Хятадын албаны тал 15 -ны өдөр 8 -р сарын үндэсний эдийн засгийн тоо баримтыг нийтэлсэн бөгөөд энэ сарын макро үзүүлэлтүүд нь боломжийн хязгаарт багтаж, ажил эрхлэлт ба юмны үнэ ерөнхийдөө тогтвортой, эдийн засаг сэргэж, хөгжлийн уян хатан байдал хэвээр байсныг харуулав. Үүний зэрэгцээ, эдийн засгийн бүтцийг өөрчилж, шинэчилж, шинэлэг эрч хүчийг тасралтгүй сайжруулснаар, Хятадын эдийн засгийн сэргэлтийг дэмжих таатай хүчин зүйлүүд хуримтлагдаж, Хятадын эдийн засгийн тогтвортой хөгжлийг ахиулсаар байна.

Макро бодлогын ногдол ашигийг тасралтгүй бий болгож, бизнесийн орчныг тасралтгүй сайжруулсны ачаар Хятадын зах зээлд шинэлэг аж ахуйн нэгжийн тоо хурдацтай нэмэгдсэн байна. Технологийн инноваци нь зогсолтгүй ажилладаг "хөдөлгүүр" -тэй адил Хятадын эдийн засгийн хөгжилд хүч сэлбэсээр байна.

Үүний зэрэгцээ дотоодын эрэлт хэрэгцээ нь Хятадын эдийн засгийг хүчтэй дэмжсээр байна. Нэг талаас, тахал, үер зэрэг хүчин зүйл нөлөөлсөн ч 8-р сард Хятадын өрхийн хэрэглээний өсөлтийн хурд удааширсан боловч хэрэглээг дэмжсэн ажил эрхлэлтийн байдал ерөнхийдөө тогтвортой хэвээр байна. Үүнээс гадна, Хятадын хэрэглээний шат өгсөлтийн чиг хандлага ч суларсангүй.

Хоёрдугаарт, аж ахуйн нэгжийн үр ашгийг дээшлүүлснээр бодит эдийн засгийн хөгжлийг дэмжих Хятадын бодлого үр дүнтэй хэвээр байгаа бөгөөд хөрөнгө оруулалтын эрч хүч нэмэгдсээр байна. Хятадын супер том зах зээлийн дотоодын эрэлт хэрэгцээний нөөцийг тасралтгүй гаргаж байгаа нь яг л Хятадын эдийн засаг сэргэж, өндөр чанартай хөгжил рүү тэмүүлж байгаагийн учир шалтгаан юм.

Цар тахлын нөхцөл байдалд Хятад улс нээлттэй байдлаа эрс нэмэгдүүлснээр дэлхийн эдийн засгийг хүчтэй дээшлүүлэв. 8 -р сард, Хятадын гадаад худалдааны нийт хэмжээ түүхэн хугацаанд мөн адил дээд хэмжээнд хүрч, импорт, экспортын өсөлт хоёулаа зах зээлийн хүлээлтээс давсан байна. Хятадын нээлттэй байдлын түвшинг тасралтгүй өргөжүүлснээр Хятад улс гадаадын хөрөнгө оруулалтын халуун цэг хэвээр байна.

Дэлхийн хөрөнгийн менежментийн хамгийн том Группын нэг BlackRock саяхан "2021 оны дунд үеийн дэлхийн хөрөнгө оруулалтын төлөв байдал" -д тэмдэглэхдээ, дэлхийн бусад улс орнуудтай харьцуулахад Хятадын эдийн засаг цар тахлын эсрэг хүчтэй хариу арга хэмжээ авч, амжилттай ажиллаж байгаа бөгөөд өдгөө нэгэнт дэлхийн эдийн засгийн өсөлтийн "өвөрмөц тулгуур" болсон байна гэжээ.