БНАСАУ дөрөв дэх удаагаа цөмийн туршилт хийхээр зэхэж байж болзошгүй гэх мэдээлэлд хандуулж 22-нд АНУ-ын Төрийн Департаментийн гаргасан мэдэгдэлд, Солонгосын хойгийн байдлыг нарийн нягт хянаж байгаа бөгөөд бүс нутгийн аюулгүй байдалд заналхийлэх үйл ажиллагаа явуулахаас зайлсхийх талаар БНАСАУ-аас шаардсан гэжээ.
22-нд БНСУ-ын Батлан хамгаалах яамны хэвлэлийн төлөөлөгч, өнөөгийн байдлаар БНАСАУ-ын Пунге-Ри дэх цөмийн туршилтын талбарт хүн машин холхилдож буй бөгөөд ойрын хугацаанд БНАСАУ дөрөв дэх удаагаа цөмийн туршилт хийж болзошгүй хэмээн засгийн газар таамаглаж байгаа. БНСУ 24 цагийн турш БНАСАУ-ыг үйл хөдлөлийг хянаж, цэрэг дайны хамгаалалтын хүчээ нэмэгдүүлж байна гэжээ.
Мөн өдөр АНУ-ын Төрийн Департаментын хэвлэлийн төлөөлөгч Жэйн Саки, холбогдох мэдээллийг аваад байгаа бөгөөд Америк Солонгосын хойгийн байдлыг нарийн нягт хянаж байгаа гэжээ.
Өдөр дутмын 
