Биет бус соёлын өв - цуур хөгжмийг уламжлагч Чулуунбат

Хятадын Төв радиогийн монгол хэлний редакцийн "Нүүдлийн соёлын эрэлд" нэртэй сурвалжилгын багт хамрагдан Шинжааны Ханас нуурт хүрч сурвалжлага хийсэн юм. Бид Алтай нутгийн язгуур урлаг, биет бус соёлын өв - цуур хөгжмийг уламжлагч Чулуунбатынд очилоо. Ангийн арьс, уламжлалт хэв загвараар чимж тохижуулсан Чулуунбатын гэр өргөө нь хорвоогийн бас нэг содон өнгө гэмээр ээ. Тэр монгол дээлээ өмсөж, ширээн дээрээ өвсөн цуур, модон цуур, товшуур, икэл гээд олон төрлийн хөгжмийн зэмсэг эгнүүлэн тавьжээ. Өвөөгөөсөө цуур хөгжим сурсан Чулуунбат бидэнд эдгээр хөгжмийн зэмсгийн үүх түүхийг тайлбарлаж, тэр ч байтугай хөгжимдөж сонирхуулсан сан.