Түүхээ зөвөөр танихыг Японоос шаардав

Дэлхийн 2-р дайны үед Японы арми Филиппинийг эзлэн түрэмгийлэх хугацаандаа "цэрэг цэнгүүлэгч бүсгүй" хэмээгчийг хүчээр бий болгосон түүхээ үнэн зөвөөр нь дүгнэж, хохирогчдод төлбөр өгөхийг 25-нд Филиппиний "цэрэг цэнгүүлэгч бүсгүй"-н эрхийг хамгаалах байгууллага буюу "Филиппиний эмэгтэйчүүдийн нэгдсэн холбоо"-ноос Японы засгийн газарт шаардсан байна.

Филиппиний "Эмэгтэйчүүдийн нэгдсэн холбоо"-ны гүйцэтгэгч дарга Рэчильда Экстрэмадура мэдэгдэхдээ, "Филиппиний ерөнхийлөгч Дутерте Японд айлчлах хугацаандаа "Филиппиний цэрэг цэнгүүлэгч бүсгүй"-н асуудлаар Японы засгийн газартай харилцах талаар уг байгууллага хүсэлт гаргасан" гэжээ. Ерөнхийлөгч Дутерте 25-ны өдрөөс Япон улсад айлчлал хийж байгаа ажээ.

Рэчильда Экстрэмадура хэлэхдээ "Филиппиний өнгөрөгч засгийн газар дипломат харилцааны үндсэн дээр Японыг гомдоохоос эмээж, Дэлхийн 2-р дайны хугацаанд Филиппиний "цэрэг цэнгүүлэгч бүсгүйчүүд" япон цэргийн гарт доромжлол зовлон амсаж байсныг орхигдуулсан байна" гэжээ. Тэрээр мөн хэлэхдээ, "Дутерте "цэрэг цэнгүүлэгч бүсгүй"-н асуудлаар Японы талтай үр дүнтэй харилцах болно" гэжээ.

Филиппиний зарим иргэний байгууллагаас "Дэлхийн 2-р дайны үед Японы арми Филиппинийг эзлэн түрэмгийлэх хугацаандаа тус орны 1000 орчим эмэгтэйчүүдийг хүчээр "цэрэг цэнгүүлэгч бүсгүй" болгож, одоогоор зөвхөн 100 орчим хохирогч бүсгүй амьд сэрүүн байгаа" гэж мэдэгдсэн байна.