УТЗЗ-ийн БХХ-ны гишүүн, Хятадын сансрын шинжлэх ухаан техникийн корпорацийн 5-р хүрээлэнгийн саран бөмбөрцөгт шинжилгээ хийх хйимэл дагуулын ажлыг удирдах төвийн дарга бөгөөд ерөнхий зохион бүтээгчдийн зөвлөх Е Пэйжянь 3-р сарын 1-нд сэтгүүлчид ярилцлага өгөхдөө, саран бөмбөрцөгт шинжилгээ хийх Хятадын 4 дэх шатны төслийг удахгүй эхлүүлэх гэж байгааг мэдэгджээ.
Төлөвлөгөөний дагуу Чан-Э 5 дагуул энэ оны эцсээр саран бөмбөрцөгт шинжилгээ хийж, "сарыг тойрох, саран дээр бууж, буцах" үүргээ биелүүлж, саран бөмбөрцөгт шинжилгээ хийх Хятадын 3 дахь шатны ажлыг дуусгах юм. Хятад улс энэ ажлаа цаашид үргэлжлүүлж, саран бөмбөрцөгт шинжилгээ хийх Чан-Э 4 дагуулыг 2018 онд хөөргөх болно.
Е Пэйжяний танилцуулснаар, Хятад улс саран бөмбөрцөгт шинжилгээ хийх 4 дэх шатны ажилдаа саран бөмбөрцгийн умард, өмнөд хоёр туйлд шинжилгээ хийх зэрэг чухал төслүүдийг биелүүлэх юм байна.
/Э.Цогзолмаа орчуулав/
Өдөр дутмын 
