|
|
||
4-р сарын 14-ний өдөр Монгол улсад БНХАУ-ын Засгийн газрын буцалтгүй тусламжаар сургууль цэцэрлэг байгуулах төслийн хэрэгжилтийн гэрээнд албан ёсоор гарын үсэг зурлаа. БНХАУ-аас МУ-д суугаа Элчин сайдын яаманд болсон энэхүү гарын үсэг зурах арга хэмжээнд Хятадын талаас БНХАУ-аас МУ-д суугаа онц бөгөөд бүрэн эрхт Элчин сайд Шин Хаймин, Зөвлөх Сүнь Вэйрэнь, Зөвлөх Ли Вэй, Монголын талаас БСШУС-ын сайд Ж.Батсуурь, тус яамны Төрийн нарийн бичгийн дарга Б.Баярсайхан нар оролцож, Зөвлөх Сүнь Вэйрэнь, Төрийн нарийн бичгийн дарга Б.Баярсайхан нар гэрээнд гарын үсэг зурсан юм. Энэхүү гэрээ нь тус тусламжийн төслийн 1, 2-р шатны хэрэгжилтийн гэрээ бөгөөд энэ хэрэгжилтийн гэрээний хүрээнд Улаанбаатар хотод 7 сургууль, 1 цэцэрлэг барих юм.
Төслийг хэрэгжүүлэхийн төлөө гаргасан БСШУСЯ болон сайд Ж.Батсуурийн хүчин чармайлтад Элчин сайд Шин Хаймин талархал илэрхийлээд 1, 2-р шатны ажил амжилттай хэрэгжсэний дараа нэн олон тусламж бүхий төсөл цаашид хэрэгжих болно гэдгийг илэрхийлэв.
БСШУС-ын сайд Ж.Батсуурь Монгол улсын хүн амын тал хувь нь төвлөрсөн Улаанбаатар хотын тулгамдсан асуудлыг зохицуулахад тусалж байгаа БНХАУ-ын Засгийн газар, БНХАУ-аас МУ-д суугаа Элчин сайдын яам болон Элчин сайдад Монгол улсын Засгийн газар, ард түмний нэрийн өмнөөс талархал илэрхийлсэн байна.
Хятадын Олон Улсын Радиогийн сурвалжлагч М.Цэцэн
Күнзийн |
Өдөр дутмын хэрэглээний хятад хэлний хичээл |
Цааш>> |
© China Radio International.CRI. All Rights Reserved. 16A Shijingshan Road, Beijing, China. 100040 |