17-нд ОХУ-ын Гадаад харилцааны сайд Сергей Лавров хэлэхдээ, Сирид хэрэгжүүлсэн шигээ, АНУ БНАСАУ-д нэг талыг барьсан үйл ажиллагаа хэрэгжүүлэхгүй байхыг ОХУ хүсэж байна гэжээ.
АНУ-ын дэд ерөнхийлөгч Майк Пенс "БНАСАУ-д хэрэгжүүлж буй Ваншингтоны стратегийн тэсвэр барагдлаа" гэсэнтэй холбогдуулан Сергей Лавров хэлэхдээ, АНУ үүнээс өмнө БНАСАУ-д стратегийн тэсвэртэй байсан хэмээн ОХУ үзэхгүй байна гэжээ.
Тэрээр хэлэхдээ, АНУ БНАСАУ-д маш хатуу хязгаарлалтын арга хэмжээ хэрэгжүүлээд байгаа. Түүнчлэн НҮБ-ын Аюулгүйн Зөвлөл хангалттай хатуу хориг арга хэмжээ баталж, нэг бус удаа БНАСАУ-ыг хатуугаар зэмлэн буруушаасан юм гэжээ.
Сергей Лавров үзэхдээ, хэрэв АНУ БНАСАУ-д ганц талаасаа зэвсэгт заналхийлэл хийвэл, маш аюултай арга барил болох юм. БНАСАУ НҮБ-ын Аюулгүйн Зөвлөлийн олон тогтоолыг зөрчиж, цөмийн зэвсэг судлан үйлдсэн болон пуужин туршин хөөргөсөн эрсдэлтэй үйл ажиллагааг ОХУ хүлээн зөвшөөрөхгүй. Энэ нь АНУ нэгэн адилаар олон улсын хуулийг зөрчиж, НҮБ-ын дүрмийг эвдэн зэвсэг хөдөлгөж болно гэсэн үг биш юм. Ойрхон АНУ Сирид нэг талын үйл ажиллагаа хэрэгжүүлсэн шигээ адил төстэй зүйл гаргахгүй байхыг ОХУ-ын тал хүсэж байна гэжээ.
17-нд, ОХУ-ын ерөнхийлөгчийн хэвлэлийн нарийн бичгийн дарга Дмитри Песков хэвлэлд хандан хэлэхдээ, ОХУ-ын Хойд Солонгосын асуудлаарх байр суурь өөрчлөгдөшгүй ба үүнийг нийтээрээ бүгд мэдэж байгаа, даруй талууд тэвчээртэй байж, өдөөн хатгалга зэрэг үйл ажиллагаа хэрэгжүүлэхээс зайлсхийхийг ОХУ-ын талаас уриалж байна гэжээ. Тэрээр цохон тэмдэглэхдээ, олон улсын талуудын хүчин чармайлтыг үргэлжлэн зохицуулж, одоогийн хүрээнд Хойд Солонгосын асуудлыг зохицуулахыг ОХУ дэмжинэ гэжээ.
Өдөр дутмын 
