Босни-Герцеговинийн олон үндэстний ард түмэн улс төрийн үйл явц болон нийгмийн байгуулалтын ололт амжилтаа бэхжүүлэн яриа хэлцэл зөвшилцөл, энхийн аргаар санал зөрөлдөөнөө зохицуулж, "Дэйтоны энхийн хэлэлцээ"-г тал бүрээр хэрэгжүүлэхийг Хятадаас НҮБ-д суурин суугаа төлөөлөгчийн орлогч Ү Хайтао 18-нд уриалсан байна.
Ү Хайтао Аюулгүйн зөвлөлийн Босни-Герцеговинийн асуудлаарх нээлттэй хурал дээр үг хэлж, Хятадын тал Босни-Герцеговинийн тусгаар тогтнол, бүрэн эрх, улс орны нэгдэл, нутаг дэвсгэрийн бүрэн бүтэн байдлыг хүндэтгэж, Босни-Герцеговинийн ард түмэн улс орныхоо ирээдүйг сонгох эрхийг хүндэтгэж, Босни-Герцеговинийн олон үндэстнүүд эв нэгтэй байж, хамтаар хөгжихийг дэмжинэ. Босни-Герцеговини үндэстний эвлэрэл зохицолд тус дөхөм үзүүлэн, эдийн засаг нийгмийн хөгжлөө дэмжин, эрх зүйн байгуулалтаа эрчимжүүлэхийн төлөө гаргаж байгаа хүчин чармайлтыг Хятадын тал сайшааж байна гэжээ.
Ү Хайтао хэлэхдээ, Босни-Герцеговини улс орны тогтвортой байдлыг хамгаалан, нийгмийн хөгжилд тус дөхөм үзүүлэх талаар өрсөлдөөн сорилттой тулгарч байгааг бид ойлгож байна. Босни-Герцеговинийн олон үндэстний ард иргэд улс төрийн үйл явц, нийгмийн байгуулалтын ололт амжилтаа бэхжүүлэн яриа хэлцэл зөвшилцлөөр энхийн аргаар санал зөрөлдөөнөө зохицуулж, "Дэйтоны энхийн хэлэлцээ"-г тал бүрээр хэрэгжүүлж, олон салбарын байгуулалтдаа ихээхэн амжилт олж, Босни-Герцеговинийн олон үндэстний ард иргэд хамтдаа ашиг хүртэхийг хүсэж байна гэжээ. \Гэрэлт орчуулав\
Өдөр дутмын 
