Монгол оюутан сурагчид дэлхийн хятад хэлний чуулганд ур чадвараа сорьж байна
2017-07-23 17:30:26
“Хятад хэлний гүүр-2017 оны дэлхийн хятад хэлний чуулган” олон улсын тэмцээний эхний хэсэг буюу багийн тэмцээн 21-нд Бээжин хотноо өндөрлөв. БНХАУ-ын Олон Улсын Радио - Монгол улсын "Үй Цай" бүрэн дунд сургуулийн хамтран байгуулсан Үй Цай Күнзийн сургалтын танхимын сурагчид тус тэмцээнд амжилттай оролцлоо. Багийн тэмцээнд оролцсон дэлхийн олон орны 108 өрсөлдөгчөөс 48 нь хувийн тэмцээнд тунан үлдсэн ба үүнд Үй Цай Күнзийн сургалтын танхимын багийн Э.Бат-Амгалан, Б.Энхжин, Э.Энхжин нар багтажээ. Тэд 7-р сарын 25-аас 8-р сарын 1-нд болох хувийн тэмцээнд олон орны оюутан сурагчдын хамт авьяас ур чадвараа үргэлжлэн сорих юм.
“Хятад хэлний гүүр-2017 оны дэлхийн хятад хэлний чуулган” олон улсын тэмцээнийг Хятадын Күнзийн төв институт буюу Хятад хэлийг түгээн дэлгэрүүлэх улсын алба-Хятадын төв телевиз(CCTV) хамтран зохион байгуулж байгаа юм. Тус тэмцээн олон орны сурагчдад хятад хэл сурах, Хятад улстай танилцах чухал индэр болж байгаа төдийгүй Хятад улс болон дэлхийн олон орны залуучдын харилцан ойлголцлын гүүр болж байгаагаараа дэлхий нийтийн анхаарлыг татаж байна.
Алтаннавч