Күнзийн сургалтын төвийн өдөрлөг болов
12-р сарын 3-нд Монгол улсын Дорноговь аймгийн Замын-Үүд сумын ерөнхий боловсролын 2 дугаар сургуулийн Күнзийн сургалтын төвийн 1 жилийн ойн өдөрлөг боллоо. Тус арга хэмжээнд БНХАУ-аас Замын-Үүд суманд суугаа Ерөнхий консулын газрын консул Чай Вэньрүй, дэд консул Жан Иши, Тамгын газрын дарга Сүмбэр, Замын-Үүд сумын засаг даргын орлогч Үүрцайх, нийгэм бодлогын тасгийн эрхлэгч Батсайхан зэрэг албаны хүмүүс, тус сургуулийн багш сурагч нийт 500 гаруй хүн оролцсон байна.
Өдөрлөгийн арга хэмжээний үеэр Күнзийн сургалтын төвийн сурагчид уран сайхны тоглолт хийж, газар дээр нь уран бичлэг, цаасан хайчилбар, Хятад хоол хийх зэргээр Хятад соёлыг сурталчилан танилцуулах өргөн дэлгэр үйл ажиллагаа зохион байгуулжээ.
/Талын дуу хоолой радиогийн сэтгүүлч Б.Хүүдүүт мэдээлэв/