Ши Жиньпин БРИКС-ийн орнуудын аюулгүйн салбарын дээд төлөөлөгчдийн тэргүүн нартай уулзав

БНХАУ-ын дарга Ши  Жиньпин 28-нд Ардын их хурлын ордонд БРИКС-ийн орнуудын аюулгүйн салбарын дээд  төлөөлөгчдийн 7-р чуулганд оролцож байгаа ОХУ-ын аюулгүйн чуулганы нарийн бичгийн дарга Николай Патрушев, Өмнөд Африкийн Үндэсний аюулгүйн яамны сайд  Дэвид Махлобо, Энэтхэгийн Үндэсний аюулгүйн зөвлөх Ажит Довал, Бразилийн  ерөнхийлөгчийн ордны аюулгүйн тамгын газрын эрхлэгч Сержио Эточойен нарыг хүлээн  авч уулзжээ. 

Ши Жиньпин, олон улсын  хамтын нийгэмлэг хамтаар чармайж, дэлхийн эдийн засгийг тогтвортой өсөлтийн замд  оруулан, эдийн засгийн даяарчлалыг голч, багтаамжтай, тогтвортой хөгжил зүг хөтлөн, терроризмтой тэмцэх асуудлыг олон улсын хэмжээнд үндсээр нь зохицуулах  арга замыг хайхад Хятад улс бэлэн. БРИКС нь нийтлэг ашиг сонирхол болон хүсэл  зорилтын төлөө байгуулагдсан. Тиймээс нээлттэй, багтаамжтай, хамтран ажиллаж,  хамтаар ашиг хүртэх гэсэн зориг санааг баримталж, улам нягт түншийн харилцаа  тогтоодог л юм бол хамтын ажиллагааны 2 дахь алтан арван жилийг угтан авах нь  лавтай юм гэжээ.