АНУ БНАСАУ-тай хэлэлцээ хийхэд бэлэн байна

Сүүлийн үед, АНУ, БНАСАУ харилцан хатуу үг шидэлцсэнээс болж Солонгосын хойгийн байдал хурцадсаар байгаа юм. Энэ үеэр Америкийн төрийн нарийн бичгийн дарга Теллерсон 15-нд хэлэхдээ, Америк БНАСАУ-тай яриа хэлэлцээ хийхэд бэлэн байна гэжээ.

Теллерсон мөн өдөр Америкийн төрийн департаментад сэтгүүлчид хандаж хэлэхдээ, АНУ, БНАСАУ-тай хэлэлцээ хийх арга зам хайхад бэлэн байна. Гэвч хэлэлцээ хийх эсэх нь БНАСАУ-ын удирдагч Ким Чен Унаас шалтгаална гэжээ.

14-нд Теллерсон, Америкийн Батлан хамгаалахын сайд Матис нар Уолл стрит сонинд хамтран нийтлэл бичиж, дипломат арга бол Умард Солонгосыг ятган зөв замд оруулах тэргүүн сонголт юм. АНУ БНАСАУ-д энх тайвнаар дарамт үзүүлж байгаа нь Солонгосын хойгийг цөмийн зэвсэггүй болгохын төлөө юм гэжээ. /Баатар орчуулав/