Минскийн онгоцны буудал хятад хэлээр үйлчилж эхлэв

11-нд Беларусийн  Минскийн онгоцны буудлын дэд захирал Коринев: Манай онгоцны буудал хятад хэлээр   үйлчилгээ үзүүлж, онгоцны буудлаар дамжин Беларусь хүрэх буюу Минскээр дамжин   бусад оронд очих Хятадын зорчигчид дэм болж байна гэжээ.

Коринев: Сүүлийн жилүүдэд Беларусь, Хятад   хоёр орны олон салбар дахь хамтын ажиллагаа тасралтгүй эрчимжиж, Минскийн   онгоцны буудлаар дамжих Хятадын иргэн тасралтгүй нэмэгдэж байна. Онгоцны буудалд   хятад хэлний үйлчилгээ үзүүлэх нь Хятадын зорчигчид улам амар болно   гэжээ.

Коринев: Энэ оны 7-р сард Беларусийн   ерөнхийлөгч Александр Лукашенко гадаад бодлогынхоо тэргүүлэх чиглэлийн тухай   хэлэлцэх хуралд Минскийн онгоцны буудал хятад хэлээр үйлчилгээ үзүүлэхийг   шаардсан байна. Үүний дараа онгоцны буудал богино хугацаанд хятад хэлний   орчуулгын ажил хийж, 790 гаруй тэмдэг тэмдэглэгээнд хятад хэлийг оруулсан байна.   Үүний зэрэгцээ онгоцны буудлын 160 гаруй дэлгэц, мөн 8 LED дэлгэц бүгд хятад   хэлний тэмдэглэгээг нэмэгдүүлсэн байна. Үүнээс гадна, онгоцны буудлын вебсайтыг   хятад хэлээр ажиллуулж, рейсийн онгоцны тухай болон төрөл бүрийн мэдээ   мэдээллээр хангаж эхэлсэн байна гэжээ.