Ядуурлыг бууруулсан туршлага бусад улс оронд хүртээмжтэй
Кени улсын Африкийн бодлого судлалын хүрээлэнгийн дарга Петер Кагванжа: Хятад улс эдийн засаг нийгмийг хөгжүүлэн, ядуурлыг бууруулж чадсан явдал дэлхий нийтийн анхаарлыг татсан билээ. Энэ туршлага бидэнд өгөөжтэй юм гэжээ.
Саяхан Бээжин хотноо, Хятадын НШУА, Олон улсын эдийн засгийн харилцааны төв хамтран “XIX их хурал: Хятадын хөгжил, дэлхийн ач холбогдол” сэдвээр олон улсын эрдэм шинжилгээний бага хурал зохион байгуулав. Тус хуралд “ядуурлыг бууруулах” асуудлыг гол сэдэв болгон, гадаад дотоодын зочид төлөөлөгчид ядуурлыг бууруулсан Хятадын амжилттай туршлагыг үнэлэн, энэ туршлага дэлхийд ач холбогдолтой хэмээн үзжээ.
Хятадын Олон улсын эдийн засгийн харилцааны төвийн удирдах зөвлөлийн дэд дарга Вэй Жяньгүө: Хятад улс ядуурлыг бууруулахдаа, хүнээр төв болгож, засгийн газраас дорвитой арга хэмжээ авч, тосгон, өрх, хувь хүнд хүртэл нарийвчлан тэтгэж амжилтад хүрсэн юм. Энэ туршлага бусад улс оронд хүртээмжтэй юм гэжээ.