Олон улсын Орчин үеийн Хятад судлалын VII форум эхлэв
10-нд Шанхай хотноо “Шинэ эриний Хятад” сэдэвт олон улсын Орчин үеийн Хятад судлалын VII форум нээгдэж, 30 гаруй орон, бүс нутгийн 180 гаруй Хятад судлаач хуран цугларав.
Төрийн зөвлөлийн Хэвлэл мэдээллийн алба, Шанхай хотын захиргаатай хамтран 2004 оноос эхлэн олон улсын Орчин үеийн Хятад судлалын форум арга хэмжээг эхлүүлж, эрхэлсэн юм.
Тус арга хэмжээ бол ХКН-ын XIX их хурал өндөрлөснөөс хойш Хятадын зохион байгуулсан томоохон хэмжээний олон улсын эрдэм шинжилгээний анхны форум болно. Энэ арга хэмжээнд олон улсын Орчин үеийн Хятад судлаачид нааштай хандаж идэвхтэй оролцов. ХКН-ын Төв хорооны Суртал ухуулгын газрын орлогч дарга, Төрийн зөвлөлийн Хэвлэл мэдээллийн албаны дэд эрхлэгч Цүй Юй-Ин нээлтийн ёслолыг даргалав.
ХКН-ын Төв хорооны Суртал ухуулгын газрын орлогч дарга, Төрийн зөвлөлийн Хэвлэл мэдээллийн албаны дарга Рэнь Жянь Гүө “Шинэ эриний Хятадыг ойлгож, сайн сайхан дэлхийг цогцолъё " сэдэвт илтгэл тавив. Тэрээр: Шинэ эриний Хятадыг ойлгоход шинэ үзэл бодол, шинэ магадлал, шинэ зорилт, шинэ хэтийн төлөв зэрэг зангилаа үгсийг мэдэх хэрэгтэй. Хятад шинэ эринд шилжин орсны улмаас орчин үеийн Хятадын тухай судлахдаа шинэ цаг үеийн Хятадын хөгжлийн улбааг сайтар судлах хэрэгтэй гэжээ.
Хятадын хөгжлийг сайн судалж ярих, Хятадын аугаа их мөрөөдлийг сайн судалж, тайлбарлах, Хятадын үнэт зүйлсийн үзлийг сайн судлах, Хятадын уужуу сэтгэлийг судлан уламжлах гэсэн дөрвөн санаачилгыг тэрээр хуралд оролцсон судлаачид хандан дэвшүүлсэн байна.