Талууд Солонгосын хойгийн асуудалд хянуур хандах ёстой
АНУ-ын Солонгосын хойгийн цөмийн асуудлаарх хэлэлцээрийн төлөөлөгчөөр ажиллаж байсан Галлуччи: "АНУ, БНСУ хоёр цэргийн сургуулилтаа зогсоож, БНАСАУ цөмийн зэвсгээ орхих" тухай Хятад улсын санаачилгыг бодолцох хэрэгтэй хэмээн санал болгосон байна. Үүнтэй холбогдуулан 11-нд Хятадын ГХЯ-ны хэвлэлийн төлөөлөгч Лү Кан: Талууд Хятадын санаачилгыг авч үзэж, эхлээд өнөөгийн Солонгосын хойгийн асуудлаар "сөргөлдсөн байдал"-аас гарч, хэлэлцээрийг дахин эхлүүлэх шаардлагатай нөхцөл, уур амьсгалыг бий болгоно гэдэгт найдаж байна гэжээ.
1994 онд Женевт АНУ, БНАСАУ "Хойд Солонгосын цөмийн асуудлаархи гэрээ хэлэлцээр"-г үзэглэхэд Галлуччи чухал үүрэг гүйцэтгэж байсан юм. Америк, Хойд Солонгос хэлэлцээрийн арга замаар харилцан итгэлцлийг бий болгож чадвал, Хойд Солонгос цөмийн зэвсгээ орхих магадлалтай хэмээн тэр үзэж байна.