Ши Хэ гол дорно зүгийг зорин урсана
Умард өргөргийн 31 градуст байрлах Дабе Шань уулын умард хормойд хэдэн зуун жилийн түүхтэй эртний тосгон байдаг ба өнгөрсөн жил үзэсгэлэнт хөдөө тосгоны бүтээн байгуулалтын ачаар улам бүр олон хүнд танигджээ. Энэ тосгоноор Ши Хэ гол урсан өнгөрдөг болохоор тосгоноо ч Ши Хэ тосгон хэмээн нэрлэсэн аж.
2013 оны 8-р сарын 1-нд, Шинь шяний захиргаа гадаад дотоодын 500 гаруй нэрт эрдэмтэн судлаачдыг урьж, “Баатарлаг мөрөөдөл- Шинь шяний мөрөөдөл” хэмээх хөгжлийн төлөвлөгөө боловсруулж, эхний ээлжийн бүтээн байгуулалтад тус шяний 9 тосгоныг хамруулсны нэг нь Ши Хэ тосгон юм.
Ши Хэ тосгон экологио хамгаалж, тосгоныхоо унаган төрх, түүх соёлыг хэвээр үлдээсэн нөхцөлд, хуучин орон сууцыг засаж сэлгэх, шинээр бүтээн байгуулалт хийж, хэдхэн жилийн дотор урьдын “хуучин, эвдэрхий, эмх замбараагүй” байдлыг үндсээр нь өөрчилж, цэвэр тохилог, өргөн гудамжтай, айл өрх бүр WIFI-тай уламжлалт түүх соёлтой орчин үеийн шинэ тосгон болгосон байна. Мөн дэд бүтэц сайжирснаар аялал жуулчлал хөгжиж, иргэдийн ашиг орлого нэмэгдсэнээр, урьд нь гадагш гарч ажил хөдөлмөр эрхэлж байсан хүмүүс бүгд нутагтаа ирж, 39 хүнтэй байсан тосгон одоо 88 өрхийн 400 гаруй хүн амтай болсон байна.