Аж үйлдвэрийн салбар өсөлтөө баталгаажуулсаар байна

2018-02-28 15:53:55
Share
Share this with Close
Messenger Messenger Pinterest LinkedIn WeChat

Хятадын Үндэсний статистикийн газрын 28-нд нийтэлсэн тоо  баримтаас үзвэл 2-р сард Хятадын аж үйлдвэрийн салбарын PMI үзүүлэлт 50.3 хувьд  хүрч, өсөлтийн ерөнхий хандлагаа баталгаажуулсаар байна. Хэдийгээр PMI  үзүүлэлтийн өсөлтийн хурд удааширсан ч Хятадын эдийн засаг тогтвортой,  тэнцвэртэй хөгжиж байна хэмээн судлаачид үзэж байна.  

Хятадын Үндэсний  статистикийн газрын холбогдох албаны хүн хэлэхдээ: Жил бүрийн цагаан сарын  баярын үе бол аж үйлдвэрлэлийн салбарын хувьд зогсонги байдалд орж, аж ахуйн  нэгжүүдийн ихэнх нь үйлдвэрлэлээ зогоон, зах зээлийн үйл ажиллагаа сулардаг үе  юм гэжээ. Тоо бүртгэлээс үзвэл 2-р сарын үйлдвэрлэлийн индекс 50.7 хувь, шинэ  захиалгын индекс 51.0 хувьд хүрч, нэгдүгээр сарынхаас 2.8 болон 1.6 хувиар тус  тус буурсан байна. 
Хятадын Олон улсын эдийн  засгийн биржийн төвийн ерөнхий эдийн засагчийн орлогч Шүй Хунцайгийн үзэж  байгаагаар, 2-р сард РМI үзүүлэлтэд зохих хэмжээгээр буурсан нь цагаан сарын  амралтаас шалтгаалснаас гадна мөн валютын зэрэг хүчин зүйлстэй ч холбоотой юм  байна. Тэрээр хэлэхдээ: "Одоо валютын нөөцийн хувьд  ерөнхийдөө хүрэлцээ муутай, зах зээлийн хүүгийн хэмжээ өссөн байна. Энэ нь зах  зээлийн итгэлд зохих хэмжээгээр нөлөөлсөн байж болзошгүй юм”  гэжээ.

Хятадын Үндэсний  статистикийн газрын албаны хүний үзэж байгаагаар, 2-р сард боловсруулах салбарын  РМI ерөнхийдөө өргөжих хандлагаа хэвээр хадгалж байна. Энэ нь голдуу дэвшилтэт  технологи бүхий боловсруулах салбар улам түргэн хөгжиж, стратегийн чанартай шинэ  тулгар хөгжиж буй ажил төрлийн салбарын хөгжлийг дэмжих бодлогын нөлөөгөөр тус  салбарын аж ахуй нэгжүүдийн идэвх улам нэмэгдэж, РМI үзүүлэлт нь 54 хувьд хүрч,  өнгөрсөн сар болон боловсруулах салбарын ерөнхий РМI үзүүлэлтээс тус бүр 0.8  болон 3.7 нэгжээр илүү гарснаар илэрч байна. Үүний зэрэгцээ, тоног төхөөрөмжийн  үйлдвэрлэлийн салбарын РМI нь 51 хувьд хүрч, өнгөрсөн сар болон бүхий л  боловсруулах салбарын ерөнхий РМI үзүүлэлтээс тус бүр 1 болон 0.7 нэгжээр илүү  гарсан байна. 

Хятадын Ардын их сургуулийн санхүүгийн  дээд сургуулийн орлогч захирал Жао Шижүнь: Хятадын эдийн засаг илүү их өсөлт,  өсөлтийн эрч хүчтэй байгааг холбогдох тоо бүртгэл харуулж байна  гэжээ.
"Салбарын байдлаас үзвэл, зарим  шинээр хөгжиж буй,  стратегийн, өндөр технологийн, нэмүү өртөг бүхий үйлдвэрлэлийн өрсөлдөх хүчин  аажмаар нэмэгдэж байгаа нь Хятадын эдийн засгийн бүтцийн тохируулалт, шинэчлэл  тасралтгүй гүнзгийрч байгааг харуулж байна."
Хятадын эдийн засгийн  цаашдын байдлын талаар Хятадын олон улсын эдийн засгийн биржийн төвийн ерөнхий  эдийн засагчийн орлогч Шү Хунцай: Хятадын эдийн засгийн тогтвортой хөгжил нь  өөрчлөгдөхгүй хэдий ч бид одоо бодлого, арга барилаа сайжруулах шаардлагатай юм  гэжээ.
"Бид бодлогын уян хатан, зорилтот чанарыг сайжруулж,  урьдчилан өөрчлөлт, нарийн тохируулга хийж, санхүү, валютын системийн харьцангүй  тогтвортой байдлыг баталгаажуулан, эдийн засагт санхүүгийн эерэг орчныг бий  болгох хэрэгтэй." гэжээ.



Их уншсан

холбоотой мэдээ