Бээжингийн олон улсын VIII кино наадам нээгдэв​

ХОУР-гийн мэдээ: 4-р сарын 15-нд Бээжингийн   олон улсын VIII кино наадам Яньчихү нуурын олон улсын үзэсгэлэнгийн төвд   нээгдлээ. Кино наадмын үеэр “Тяньтань шагнал”-ын эзнийг шалгаруулж, кино   үзүүлэн, "Бээжингийн төлөвлөлт" сэдэвт чуулга уулзалт, киноны зах, кино цэнгүүн,   хаалтын ёслол, шагнал гардуулах ёслол зэрэг цуврал арга хэмжээ зохион байгуулах   юм. “Тяньтань шагнал”-д шалгарсан 15 шилдэг кино 10   төрлийн шагналд өрсөлдөнө.

Өөрчлөлт, нээлтийн бодлого хэрэгжүүлсэн 40   жилийн турш Хятадын киноны зах зээлд асар их өөрчлөлт гарч, тасалбарын орлогоор   шинэ рекорд тогтоосоор байна. 2017 онд Хятадын эх газарт кино тасалбарын орлого   55 тэрбум 911 сая юаньд хүрч, өнгөрсөн оны мөн үеэс 13.45 хувиар нэмэгджээ.   Хятадын киног гадаадад үзүүлсэн тасалбарын орлого, борлуулалтын хэмжээ 4 тэрбум   253 сая юаньд хүрч, өнгөрсөн оны мөн үеэс 11.19 хувиар нэмэгдэн, шинээр 9597   кино дэлгэц  нэмэгдэж, нийт 50776 дэлгэцтэй болсон байна.  Сарантуяа