БНАСАУ цөмийн болон пуужингийн туршилтаа зогсоох болсныг сайшаав
20-нд БНАСАУ-ын Хөдөлмөрийн Нам VII сонгуулийн Төв хорооны III бүгд хурлаараа шийдвэр гаргаж, 2018 оны 4-р сарын 21-нээс эхлэн цөмийн болон пуужингийн туршилтаа бүх талаар зогсоохоор болсныг БНСУ-ын тал сайшааж байна гэж тус орны ерөнхийлөгчийн ордон 21-нд мэдэгдэл нийтэлжээ.
Мэдэгдэлд: БНАСАУ-ын энэ шийдвэр Солонгосын хойгийг цөмийн зэвсэггүй бүс болгох үйл явцын хувьд маш их утга учиртай, даян дэлхийн хамтын хүсэл эрмэлзэлтэй ч нийцэж байна. Энэ шийдвэр удахгүй болох хоёр Солонгосын төрийн тэргүүн нарын уулзалт, БНАСАУ, АНУ-ын төрийн тэргүүн нарын уулзалт амжилттай болоход “маш эерэг нөхцөл” бүрдүүлж өгч байна. БНСУ-ын тал төрийн тэргүүн нарын уулзалтад идэвхтэй бэлтгэл ханган ажиллаж, энэ уулзалтаар дамжин Солонгосын хойгийг цөмийн зэвсэггүй, үүрдийн энх тайван бүс нутаг болгохын төлөө хичээн зүтгэх болно гэжээ.