Өвөр Монголыг зүүн хойд нутагтай холбосон хурдны төмөр замын бүтээн байгуулалт дуусав
Синьхуа агентлагийн мэдээ: 22-нд, Өвөр Монголыг зүүн хойд нутагтай холбосон анхны хурдны төмөр зам болох Ляонин мужийн Шиньминиэс Өвөр Монголын Тунляо хүрэх хурдны төмөр замын бүтээн байгуулалт өндөрлөсөн байна.
Шинь-Түн хурдны төмөр замын бүтээн байгуулалт 2016 оны 6-р сард эхэлсэн юм. Энэ нь Хятадын “хөндлөн 8, гулд 8 шугамтай” хурдны төмөр замын сүлжээ бүрдүүлэх дунд хугацааны төлөвлөгөөнд хамрагдсан төсөл юм. Энэ шугам одоо байгуулж буй Бээжин-Мүгдэн чиглэлийн хурдны төмөр замтай холбогдож, зүүн хойдын бүс, мөн бүх Хятадын хурдны төмөр замын сүлжээнд нэгдэх болно. Энэ шугам ашиглалтад орсноор Мүгдэн-Тунляо чиглэлд 5 цаг аялдаг байсныг 1.5 цаг, Тунляо-Бээжин чиглэлд 14 цаг аялдаг байсныг 3.5 цаг болгон товчлох тул Өвөр Монголын зүүн нутгийн эдийн засгийн хөгжилд чухал үүрэг гүйцэтгэх болно.