Солонгосын хойгийг цөмийн зэвсэггүй болгохыг ахиулахаа АНУ, БНСУ мэдэгдэв
Синьхуа агентлагийн мэдээ: 22-нд Цагаан ордонд АНУ-д айлчилж буй БНСУ-ын ерөнхийлөгч Мүн Жэ Инийг Дональд Трамп хүлээн авч уулзан, хоёр талаараа товлогдоод буй АНУ, БНАСАУ-ын удирдагчдын уулзалтын талаар ярилцаж, Солонгосын хойгийг цөмийн зэвсэггүй бүс болгохыг үргэлжлэн ахиулна гэдгээ амлажээ.
Мөн өдөр, Трамп хэлэлцээрийн өмнө Мүн Жэ Интэй хамт сэтгүүлчидтэй уулзаж, БНАСАУ-ын дээд удирдагч Ким Жон Унтай хийх уулзалтыг товлоод буй 6-р сарын 12-нд хийж амжихгүй, хойшлуулах магад, одоо энэ асуудлын талаар зөвшилцөж байна гэжээ. Мүн Жэ Ин: БНСУ-ын тал АНУ, БНАСАУ-ын удирдагчдын уулзалтыг хүсэн хүлээж байгаа бөгөөд хэлэлцээ амжилттай явагдахыг бүх хүчээрээ дэмжиж байна гэжээ.
АНУ-ын хэвлэлийнхний мэдээлснээр, мөн өдөр Мүн Жэ Ин АНУ-ын төрийн нарийн бичгийн дарга Майк Помпео, ерөнхийлөгчийн үндэсний аюулгүй байдлын туслах Жон Болтон нартай уулзаж, АНУ, БНАСАУ-ын дээд удирдагчдын уулзалтын бэлтгэл ажлыг түргэтгэхийг АНУ-аас шаарджээ.
Майк Помпео: Одоогийн байдлаар АНУ төлөвлөгөө ёсоор АНУ, БНАСАУ-ын удирдагчдын уулзалтын бэлтгэл ажлыг хийж байна гэжээ. Далайнтуяа