ШХАБ-ын гишүүн орнуудын урлагийн наадам эхэллээ

Синьхуа агентлагийн мэдээ: 5-р сарын 30-ны орой Бээжин хотын Бао Ли  театрт, Соёл, аялал жуулчлалын яамнаас зохион байгуулсан ШХАБ-ын гишүүн орнуудын  урлагийн наадам нээгджээ. 

Соёл, аялал жуулчлалын яамны сайд Лүө Шүган урлагийн наадмын нээлтийн  ёслолд оролцон, үндэсний хөгжмийн концертыг үзэж, үг хэлсэн юм. Тэрээр: ШХАБ-ын  гишүүн орнуудын урлагийн наадам улс орнуудын шилдэг соёлыг танилцуулж, уламжлалт  найрамдлаа бэхжүүлэн, улс орнуудын ард иргэдийн сэтгэлийг холбох урлагийн чухал  индэр болно. Урлагийн наадам өвөрмөц онцлогоороо улс орнуудын ард түмний  сэтгэлийн холбох гүүр болж, ШХАБ-ны байнгын хөгжид хувь нэмэр оруулахыг хүсэж  байна гэжээ.

Урлагийн наадамд Хятад, Киргизстан, Орос, Узбекистаны үндэсний  нэртэй хамтлагууд тус тусын орноо төлөөлөн тоглолт хийсэн юм. Үндэсний хөгжмийн  концертоос гадна, ШХАБ-ын гишүүн орнуудын үндэсний бүжгийн тоглолт 6-р сарын  1-нд Бээжин хотын Бүжгийн коллежид болно. Урлагийн наадмын үеэр ШХАБ-ын соёлын  өвийн зургийн үзэсгэлэн гаргаж, гишүүн орнуудын уран бүтээлчдийг зохион  байгуулж, хамтарсан үзэсгэлэн, техникийн семинар, уран сайхны солилцоо зэрэг  арга хэмжээг зохион байгуулах юм.

Далайнтуяа