Ким Жон Ун Д.Трамп нар уулзав
12-нд Сингапурт БНАСАУ-ын дээд удирдагч Ким Жон Ун, АНУ-ын ерөнхийлөгч Дональд Трамп нар анхны түүхэн уулзалт хийж, Солонгосын хойгийг цөмийн зэвсэггүй болгох, хоёр талын хурцадмал харилцааг өөрчлөх тухай зөвшилцжээ.
Орон нутгийн цагаар 12-ны 09 цагийн үед, хоёр орны төрийн тэргүүн нар уулзаж, Солонгосын хойгийн асуудлыг улс төрийн аргаар зохицуулах чухал алхам хийлээ.
Трамп: Энэ удаагийн уулзалт амжилттай болохыг хүсэж байна. Мөн хоёр тал сайн сайхан харилцаа тогтооно гэдэгт итгэлтэй байна гэжээ.
Ким Жон Ун: Өнөөдөр энд уулзана гэдэг үнэхээр өндөр даваа, хоёр талын аль аль нь олон саад бэрхшээлийг туулсан гэжээ.
Цагаан ордны мэдээлснээр, хоёр орны төрийн тэргүүн нарын уулзалт 1 хоног үргэлжилж, төрийн тэргүүн нар ганцаарчилсан уулзалт, засгийн газар хоорондын хэлэлцээ зэргийг зохион байгуулж, хамтдаа үдийн зоог барих юм. Солонгосын хойгийг цөмийн зэвсэггүй бүс болгох арга хэлбэр, цагийн хуваарь, АНУ-ын тал БНАСАУ-д хэрхэн аюулгүйн баталгаа өгөх зэрэг нь уулзалтын халуун цэгийн асуудал болох юм.