Германы баг анхны тоглолтдоо хожигдов
2018-06-18 16:06:23
2006 оны ДАШТ-ий аварга Италийн баг 2010 онд бүсээсээ гарч чадаагүй, 2010 оны аварга Испанийн баг 2014 онд мөн л бүсийн тоглолтоос хасагдсан. Аваргууд бүсийн тоглолтоос хасагддаг болсон үзэгдлийг Германы баг эвдэнэ гэж хүмүүс маш их найдаж байсан ч Германы баг анхны тоглолтоороо Мексикийн багт 0:1 харьцаатай хожигдов. Тэднийг дараа нь Швед, БНСУ-ын чангахан багууд хүлээж байна. 1962 оноос хойш ямар ч баг дараалан дэлхийн аварга болж чадаагүй. Германы багт олон асуудал тулгарчээ. Баг тамирчдын дундаж нас хөгширч, довтлогч нь сулхан болсон байна. Гэвч ямар ч баг түрүүлэхийн тулд амаргүй давааг давж таарна.