Солонгосын цөмийн асуудлаар хэлэлцэв
18-нд АНУ-ын Төрийн департамент мэдэгдэл нийтэлж: 17-нд Төрийн нарийн бичгийн дарга Майк Помпео, БНСУ-ын Гадаад харилцааны сайд Кан Ген Хватай утсаар ярьж, АНУ, БНАСАУ-ын удирдагчдын Сингапурын дээд уулзалтын дараах Солонгосын цөмийн асуудлын хандлагын тухай хэлэлцсэн гэжээ.
Мэдэгдэлд: Солонгосын хойг "бүрмөсөн, шалган нотолж болохуйц, цөмийн зэвсгээ эргэлт буцалтгүй орхих"-ыг ахиулах талаар АНУ, БНСУ хичээн зүтгэсээр байх тухай Помпео, Кан Ген-Хва нар амлав гэжээ. Мөн хоёр тал: БНАСАУ цөмийн зэвсгээ орхихоос өмнө, тус оронд дарамт үзүүлсээр байх болно гэжээ.
12-нд Сингапурт АНУ-ын ерөнхийлөгч Д.Трамп, БНАСАУ-ын Төрийн зөвлөлийн дарга Ким Жон Ун нар уулзаж, хамтарсан мэдэгдэлд гарын үсэг зурсан юм. БНАСАУ-д аюулгүйн баталгаа өгөхөө АНУ-ын тал амлаж, Солонгосын хойгийг бүрмөсөн цөмийн зэвсэггүй болгохоо амалж буйгаа БНАСАУ-ын тал дахин нотолсон билээ.
13-нд Помпео: Ирээдүйд АНУ, БНАСАУ хоёр тал олон ажил хийх ёстой. Хоёр тал үргэлжлэн яриа хэлцэл өрнүүлэхээр төлөвлөж байна: Ирэх хоёр жил гаруйн хугацаанд БНАСАУ цөмийн зэвсгээ хураах талаар томоохон арга хэмжээ авч хэрэгжүүлэхийг хүсэж байна гэжээ.