БНХАУ, НҮБ-ын Энх тайван, хөгжлийн сангийн удирдах хорооны III хурал болов
17-нд, БНХАУ-аас НҮБ-д суугаа суурин төлөөлөгчийн мэдээлснээр, 14-нд Нью-Йорк дахь НҮБ-ын төв байрт БНХАУ, НҮБ-ын Энх тайван, хөгжлийн сангийн удирдах хороо III удаагийн хурал хуралдуулж, тус сангийн 2016, 2017 оны төслүүдийн хэрэгжилтийг дүгнэн, санхүүгийн байдлыг хянан хэлэлцэж, 2018 оны санхүүжилтийн төслийг хэлэлцэн баталсан байна.
НҮБ-ын ерөнхий нарийн бичгийн даргын Тамгын газрын дарга Рибейро Виотти хурлыг даргалж, БНХАУ-аас НҮБ-д суугаа суурин төлөөлөгч Ма Жаошюй, Гадаад хэргийн яамны Олон улсын газрын дарга Ли Жүньхуа нар хуралд оролцжээ.
Ма Жаошюй: НҮБ-ын үүрэг хариуцлагыг дэмжиж, НҮБ-ын нэр хүнд, байр суурийг хамгаалах нь Хятадын дипломат харилцааны үндсэн бодлого юм. БНХАУ, НҮБ-ын Энх тайван, хөгжлийн санг байгуулсан нь НҮБ-ыг БНХАУ эрс дэмжиж буйг харууллаа. БНХАУ-ын тал НҮБ-ын нарийн бичгийн дарга нарын газрын хамтын хүчин чармайлтаар, зарим төслийг амжилттай хэрэгжүүлж, иж бүрэн үр ашигтай удирдлагын механизм байгуулан, БНХАУ, НҮБ-ын хамтын ажиллагаа өрнүүлэх шинэ индэр бий болгосноор, үр дүн нь улам илэрхий болж байна гэжээ. Ренчинсоо