Эвэнх хошууны 60 жилийн ойн арга хэмжээ болов
12-ны үдээс өмнө, Өвөр Монголын Эвэнх үндэстний өөртөө засах хошуу байгуулагдсан 60 жилийн ойг тэмдэглэх арга хэмжээ Баянхошуу овооны уулан энгэрт болов. Баяр ёслолын хувцсаар гоёсон үндэстнүүдийн ард түмэн хуран цугларч, Эвэнх хошууны 60 жилийн ойг хамтаар тэмдэглэв.
Хятадын үндэстний цөөнхийн 3 өөртөө засах хошууны нэг болох Эвэнх үндэстний өөртөө засах хошуу нь 1958 онд байгуулагдаж, үндэстнүүдийн ард түмэн эвлэрэн нэгдэж бүтээн байгуулалт хийж хөгжүүлсэн түүхийн шинэ хуудсыг нээжээ. Олон жилийн турш Эвэнх хошууны хот хөдөөгийн дүр төрөхөд түүхт өөрчлөлт гарч, 2017 оны байдлаар Эвэнх хошууны дотоодын нийт бүтээгдэхүүн 10.05 тэрбум юаньд хүрч, хот суурингийн байнгын оршин суугчид болон хөдөө тосгоны байнгын оршин суугчдын зарцуулж болох мөнгө нь тус тус 29148, 20581 юаньд хүрэв.
2010 оны Хятадын хүн амын 6 дахь тооллогоос үзвэл, эвэнх үндэстний хүн ам нь 30875 байж, тэдний гуравны нэг хувь нь Эвэнх үндэстний өөртөө засах хошуунд амьдарч байна.