Тяньжинь, Жянсү муж ахмадын баяраа тэмдэглэж байна

Билгийн тооллын жил бүрийн 9-р сарын 9 бол Хятадын уламжлалт ахмадын баяр юм.   Энэ жилийн ахмадын баяр 10-р сарын 17-нд тохиох бөгөөд Хятадын өнцөг булан бүрт   арга хэмжээ зохиож, ахмадын баяраа угтан тэмдэглэж байна.  

12-нд, Тяньжинь хотын Хэпин дүүргийн Шиньжин хороололд “Өөрчлөлт нээлтийн 40   жил, ахмадаа хүндлэх нь цаг эриний соёл” хэмээх хоолны соёлын үйл ажиллагаа   явуулж, хорооллын иргэд өөрсдийн хийсэн амтат хоолоо хуваалцан, инээд хөөр   гудамж бүрт сонсогдож байлаа.  

15-нд, Жэжян мужийн Цыши хотын Сайн дурын төвийн сайн дурын ажилтнууд   Байгөүшү хороололд очиж, тус хорооллын 80-аас дээш настай ахмадуудад баярыг нь   тэмдэглэж өгсөн байна.  

15-нд, Жянсү мужийн Сүжөү хотын Чэнши төвлөрсөн сургууль "Ахмадын баярын   боорцог хийхийг сурч, ахмадын баяраа өргөн дэлгэр тэмдэглэх" үйл ажиллагаа   явуулж, хүүхдүүд багшийг даган уламжлалт боов хийх аргыг сурч, тэтгэвэрт гарсан   багш нар, хорооллын ахмадуудыг урьж хийсэн боорцгоо олон түмэнд амсуулжээ.  

15-нд, Хэбэй мужийн Фүчэн сяны Ахмадын албанаас сайн дурынхныг зохион   байгуулж Фүчэн сяны асрамжийн газарт сайн дурын үйлчилгээний үйл ажиллагаа   зохион байгуулсан байна.    

Н.Пүрэвжав