“АG600” нисэх онгоцны усан замын анхны нислэг амжилттай болов

Хятад улсын бие  даан зохион бүтээсэн усан дээр буугч “АG600” нисэх онгоц 10-р сарын 20-нд Хүбэй  мужийн Жинмэний Жанхэ онгоцны буудалд усан замаас хөөрч газардах анхны нислэгээ  амжилттай хийсэн юм. Үүнд, ХКН-ын Төв хорооны ерөнхий нарийн бичгийн дарга,  Хятад улсын дарга, Цэргийн төв зөвлөлийн дарга Ши Жиньпин, Төрийн зөвлөлийн  ерөнхий сайд Лэ Кэчян нар баяр хүргэсэн байна. 

Ши Жиньпин  захидалдаа, тус онгоцыг зохион бүтээхэд гар бие оролцсон бүх хүнд баяр хүргэж,  Хятад улсын агаар, сансар аяллын үзэл санааг баримталж, хөгжлийн шинэ үзэл  баримтлалыг тууштай хэрэгжүүлэн, инновацтай ажиллаж, яаралтай тусламж, байгалийн  гамшгаас сэргийлэн зохицуулах системийн бүтээн байгуулалтын эрэлт хэрэгцээг үр  ашигтай ханган, агаар болон сансар аяллын хүчирхэг орныг байгуулах зорилтыг  биелүүлэхийн тулд улам илүү хичээн зүтгэхийг хүсжээ. 

“АG600” нисэх онгоц  ердийн нисэх онгоц шиг л хөөрч, газардахаас гадна наад зах нь 1500 м урт, 200 м  өргөн, 2.5 м гүн усан замаас хөөрч, газардах боломжтой бөгөөд ойн түймрийг  унтраах, далай тэнгист аврах ажиллагаа явуулахад ашиглах зорилгоор зохион  бүтээсэн дэлхийд хамгийн томд тооцогдох усан дээр буугч нисэх онгоц  болно.