Цагаан сарын үдэшлэгийн бичлэгийн ажил өндөрлөв
Нийт монгол үзэгчдийн хүсэн хүлээдэг ӨМРТ-ийн шаргачин гахай жилийн цагаан сарын үдэшлэгийн бичлэгийг 1-р сарын 22-ын үдэш амжилттай хийж дуусгалаа.
Үдэшлэгт Хятадын 8 муж орон, Монгол, Оросын 1000 уран бүтээлч оролцжээ. Тодруулбал, Өвөр Монголын нэрт дуучин Оюунбилэг, Жинхуар, Мөнгөнцэцэг, Цэцэгмаа, Хөх хээр хамтлаг, Анд хамтлаг, МУГЖ Ганзориг, МУГЖ Ариунболд зэрэг ахмад болон залуу уран бүтээлчид оролцож, гоц сайхан тоглолтоороо хурсан олноо баясгасан байна.
Энэ жилийн үдэшлэгт поп дуу, ардын дуу, зохиолын дуу, Хятад, Монгол, Оросын тоглолт, Хятадын 8 муж орны тоглолт зэргээр төрөл болгосон нь өнгөрсөн жилүүдийнхээс онцлог болжээ. Үдэшлэгийн бичлэгийг 2-р сарын 4 буюу битүүний үдэш телевизийн дэлгэцээр нийт монгол үзэгчдэд хүргэх болно.
/Талын дуу хоолой радиогийн сэтгүүлч Чинзоригт мэдээлэв/