Цагаан сарын үдэшлэг уламжлал шинэчлэлийг уялдуулжээ
Хятадын үндэсний телевизийн бэлтгэсэн цагаан сарын үдэшлэг 30 жилийн түүхтэй. Энэ бол Хятадын уламжлалт цагаан сарын битүүний үдшээр айл бүхэн халуун ам бүлээрээ цугларч, хүүхэд хөгшидгүй заавал үзэх уран сайхны тоглолт юм. 2019 оны цагаан сарын үдэшлэгийн хэдэн арван номер Хятадын уламжлалт соёлыг охийг шингээсэн төдийгүй дэлхийн соёлын элемент ч нэвтэрчээ. Цагаан сарын үдэшлэг баялаг хэлбэртэй, хараа булаах бөгөөд дэлхий дахинд Хятадын соёлыг сурталчлах чухал индэр билээ.
"Урагшлан дэвшсэн шинэ эрин, аз жаргалтай шинэ жил" сэдэвт 2019 оны үдэшлэг дуу бүжиг, илбэ, цирк, жүжиг, ушугийн үзүүлбэр, хошин шог зэрэг хэдэн арван урлагийн тоглолт хийж, битүүний үдэш үзэгчдийн талархлыг хүлээж байна. Цагаан сарын үдэшлэгт урлаг соёлын одод, уран сайхны чуулга хамтлаг төдийгүй жирийн иргэд хүртэл оролцож байна.
БНХАУ байгуулагдсаны 70 жилийн ой 2019 онд тохиож байна. Цагаан сарын үдэшлэгт энхрий бяцхан хүүхдүүд “Би эх оронтойгоо” дууг уяхан сайхан хоолойгоор дуулсан нь Хятадын ард түмний эх оронч сэтгэлийн илэрхийлэл болжээ.
Баатар орчуулав