Бээжингийн олон улсын кино наадамд Ховогсайрын төлөөлөгчид оролцов

2019 оны 4-р сарын 13-20-нд Бээжингийн олон улсын IX кино наадам зохиогдож байна. Кино наадмын арга хэмжээний хүрээнд 4-р сарын 16-нд ШУӨЗО-ны Ховогсайрын монгол өөртөө засах сянь фото зургийн үзэсгэлэн гаргаж, "Жангарын нутаг-Ховогсайр" уран сайхны тоглолтоо нийслэл хотын үзэгчдэд хүргэлээ.

Уран сайхны тоглолтын үеэр Жангарын тууль хайлах, савардан биелгээ, Улаанмөчирийн дуулал, арван хоёр баатрын магтаал зэрэг тоглолт үзэгчдийн таашаалд хүрсэн юм. Тус арга хэмжээг Бээжин хотын үндэстний соёлын солилцооны төв, Шиньжяны Ховогсайр сянь, Бээжингийн Дүнчэн дүүргийн Үндэстний шашин суртахууны хэрэг эрхлэх газар, Бээжингийн соёлын Алтан цээж компани хамтран зохион байгуулж байна.

Н.Пүрэвжав мэдээлэв