Дэлхийн оюутнуудын “Хятад хэлний гүүр” XVIII тэмцээний МУ-ын бүсийн эцсийн шатны шалгаруулалт болов

Дэлхийн их дээд сургуулиудын оюутнуудын “Хятад хэлний гүүр” XVIII тэмцээний МУ-ын бүсийн эцсийн шатны шалгаруулалт 2019 оны 4-р сарын 20-ны үдээс хойно МУ-ын нийслэл Улаанбаатар хотын “Улаанбаатар чуулга”-д болов.

“One World，One Family”уриан дор болсон энэ арга хэмжээний ерөнхий зохион байгуулагчаар БНХАУ-ын Күнзийн Төв Институт, гүйцэтгэгчээр МУИС-ийн Күнзийн институт, дэмжигчээр Хятад-Монголын Соёл, Боловсрол, Нийгмийн Хөгжлийн Сан, Улаанбаатар дахь Хятадын Соёлын Төв тус тус ажилласан байна.

МУИС-ийн Күнзийн институтын Хятадын талын захирал Жү Жюньли, Хятад-Монголын Соёл, Боловсрол, Нийгмийн Хөгжлийн Сангийн дэд нарийн бичгийн дарга Фэн Дэхуан, МУБИС-ийн Боловсролын сургуулийн захирал Г.Цогзолмаа, МУБИС-ийн Күнзийн институтын Хятадын талын захирал Бао Айдүн, МУ дахь хятад хэлний сайн дурын багш нарын алхах багш Юй Жяхуань, ИЗОУИС-лийн Чингис Соосэ ОУХС-ийн захирал Н.Ундрал, Улаанбаатар Их Сургуулийн Хятад хэлний тэнхимийн эрхлэгч Ө.Саранцэцэг, МУШУТИС-ийн Хятад хэлний тэнхимийн эрхлэгч Л.Чойжилмаа зэрэг холбогдох их дээд сургуулиудын удирдлага, шалгаруулалтад оролцсон оюутнууд болон тэдний эцэг эхчүүдийн төлөөлөл, багш нар зэрэг нийт 200 гаруй хүн уг арга хэмжээнд оролцжээ.

МУ дахь хятад хэлний сургалт явуулдаг их дээд сургуулиудын оюутнуудын дундаас эхний шатны шалгаруулалтаар тунаж үлдсэн Ц.Буянтогтох, Б.Жавзандулам, Т.Баярдулам, А.Дуламсүрэн, С.Эрдэнэ-Очир, М.Цолгзолмаа, Н.Сарангэрэл, Э.Маналсүрэн, С.Одонбилэг, Э.Наранцэцэг, Б.Дэжээ, Х.Солонго, Т.Мягмарсүрэн, Г.Баяртулга, Т.Лхагвадорж, Б.Агиймаа, Б.Очирмаа, Д.Оюун-Эрдэнэ, Э.Амаржаргал, Б.Мөнхжин зэрэг 20 оюутан эцсийн шатны энэ шалгаруулалтад оролцсон бөгөөд үүнд Отгонтэнгэр Их Сургуулиас 2, МУЭЗСИС-иас 1, МУИС-иас 6, МУБИС-иас 7, МУШУТИС-иас 1, Улаанбаатар Их Сургуулиас 2, ИЗОУИС-иас 1 оюутан тус тус багтсан болно.

Шалгаруулалтад оролцсон оюутнууд өөр өөрийн сонгон авсан дарааллын дагуу тайзнаа гарч, сугалаа сугалж асуултанд хариулах, уран илтгэл хийх, дуу дуулах, бүжиг бүжиглэх, үшүгийн үзүүлбэр тоглолт хийх зэрэг хэлбэрээр ур авьяас, эрдэм чадвараа сорьж өрсөлджээ.

Шүүгчдээс тэдний үзүүлбэр тоглолт бүрт нь оноо өгч, онооных нь нийлбэрийн дундаж дүнгээр эцсийн оноог нь тодорхойлох журмаар тэмцээн нь ширүүн өрсөлдөөнтэй явагдлаа.

Тэмцээний дүнд 1-р байранд МИУС-ийн С.Эрдэнэ-Очир, 2-р байранд МИУС-ийн Э.Наранцэцэг, МУБИС-ийн Г.Баяртулга, 3-р байранд МУШУТИС-ийн Т.Лхагвадорж, МИУС-ийн Б.Агиймаа, МУБИС-ийн Э.Маналсүрэн, ИЗОУИС-ийн Б.Очирмаа, шилдэг байранд МУБИС-ийн Б.Мөнхжин, С.Одонбилэг, Э.Амаржаргал, Б.Дэжээ, Т.Мягмарсүрэн, МУИС-ийн А.Дуламсүрэн, МУЭЗСИС-ийн Н.Сарангэрэл, Улаанбаатар Их Сургуулийн Ц.Буянтогтох зэрэг оюутнууд шалгарч, 1,000,000, 800,000, 600,000, 400,000 төгрөгийн шагнал болон үнэмлэх тус тус хүртсэн байна.

Зохион байгуулагч талын танилцуулснаар, энэ тэмцээний 1-р байранд шалгарсан МИУС-ийн оюутан С.Эрдэнэ-Очир энэ оны 7-р сард Хятад улсад болох дэлхийн их дээд оюутнуудын “Хятад хэлний гүүр” XVIII тэмцээнд МУ-ын их дээд сургуулийн оюутнуудыг төлөөлөн оролцох юм байна.

Энэ арга хэмжээний үеэр зохион байгуулагч тал бас дээр дурдсан оюутнууд болон сургуулиудын дундаас яриа илтгэлийн болон уран сайхны хамгийн шилдэг ур авьяастнаар 2 оюутныг, шилдэг зохион байгуулагчаар 3 сургуулийг, шилдэг жолоодогчоор 3 багшийг тус тус шалгаруулан шагнал, үнэмлэх олгожээ.

/сэтгүүлч О.Дарамбазар мэдээлэв/