Олон улсын аж үйлсийн XV үзэсгэлэн нээгдэв
5-р сарын 16-нд Шэньжэнь хотноо Хятадын олон улсын аж үйлсийн XV үзэсгэлэн нээгдлээ.
Үзэсгэлэн нэг гол талбай, 66 салбар талбайтай, Хятадын 31 муж, өөртөө засах орон, хот, Хонконг, Макао, Тайвань болон дэлхийн тавиад улс орон үзэсгэлэнд оролцож, Юньнань мужийн мөнгөн эдлэл, Шэньжэнь хотын электрон бүтээгдэхүүн, Түвдийн танка зураг, ӨМ-ын гар урлал, Тайванийн сийлбэр урлал, МУ-ын арьсан зураг, Францын үнэртэй ус гээд улс орныхоо онцлогтой олон сайхан бүтээл хурсан олны харааг булааж байна.
Энэ үзэсгэлэнд, ӨМ-оос тавиад аж ахуйн нэгж оролцож, монгол морийг дүрсэлсэн урлагийн бүтээл, үндэстний онцлогтой гар урлалын бүтээгдэхүүн, бэлэг дурсгалын зүйлс, монгол хувцас засал, Хянган аймгийн хатгамал урлал, Ордос нутгийн цагаан идээ, Бугатын газрын ховор элементээр хийсэн уруулын будаг зэрэг соёлын бүтээгдэхүүнийг үзүүлж байна.
Үзэсгэлэн 5-р сарын 20 хүртэл үргэлжилнэ.
/Талын дуу хоолой радиогийн сэтгүүлч Чинзоригт, Дэгжрэх нар Шэньжэнь хотоос мэдээлэв/