Дэлхийн алдартай авто машины нийслэл-Модена

Италийн хойд бүсийн Модена хотыг авто машин сонирхогчид андахгүй. “Дэлхийн алдартай авто машины нийслэл”, “Хөдөлгүүрийн нийслэл” гэгдсэн энэ жижиг хотод Масерати, Феррари, Пагани зэрэг дэлхийд алдартай авто машины үйлдвэр байдаг учраас авто машин сонирхогчдыг соронздон татдаг юм.

Тус хотод авто машины 15 музей, олон улсын аюулгүй жолоодлогын сургууль бий. Жил бүр авто машин сонирхогч 1 сая 800 мянган хүн тэнд очиж, авто машины музей үзэн, холбогдох арга хэмжээнд оролцдог. Тэд Модена хотод жил бүр 300 сая фунтийн орлого оруулдаг байна.