Номын сийлбэрээрээ олны анхаарлыг татсан бүсгүй
2019-11-05 17:03:08
Их Британийн Кембридж мужийн Эри тосгоны Эмма Тейлор хэмээх 24 настай эмэгтэй номын хуудсаар гайхалтай сийлбэр бүтээжээ. Тэрээр номынхоо агуулгыг сийлбэрийн бүтээлээрээ харуулахыг хичээдэг байна.
Эмма Тейлор номын сийлбэр хийгээд 7 жил болж буй бөгөөд нэг сийлбэр хийхийн тулд бүтэн сарын хугацаа зарцуулдаг аж. Номын хуудаснаас хэдэн ширхэг тастаж аваад хайчилж, эсгэж, нааж бүтээлээ хийдэг. Номын агуулга баялаг, өгүүлэх үйл явдал нь ээдрээтэй байх тусам сийлбэр нь илүү нарийн, төвөгтэй болдог аж.