Харилцан ашигтай, хамтдаа хөгжих хэлэлцээр нь дэлхий нийтэд итгэл төрүүлнэ

1-р сарын 15-нд, Хятад, Америкийн эдийн засгийн хэлэлцээрийн Хятадын талын ахлагч Лю Хэ болон Америкийн ерөнхийлөгч Трамп нар Вашингтон хотноо Хятад, Америкийн эхний шатны эдийн засаг, худалдааны хэлэлцээрт гарын үсэг зурлаа. Хятад, Америк хоёр тал 23 сарын турш 13 удаагийн өндөр зэрэглэлийн эдийн засаг, худалдааны зөвшилцөл хийж, Хятад, Америкийн эдийн засаг, худалдааны маргааныг асуудлыг зохицуулах чухал алхам хийлээ. Энэхүү хэлэлцээр нь Хятад, Америк, цаашлаад дэлхийн нийтлэг ашиг сонирхолд нийцэж, дэлхийн энх тайван, хөгжил цэцэглэлтийг ахиулах болно.

Эхний шатны хэлэлцээр нь 9 бүлгээс бүрдэж, оюуны өмчийн эрх, технологи шилжүүлэх, хүнс, хөдөө аж ахуйн бүтээгдэхүүн, санхүүгийн үйлчилгээ, валютын ханш болон ил тод байдал, худалдааг өргөжүүлэх, хоёр талын үнэлгээ болон маргааныг зохицуулах зэрэг агуулга багтжээ. Хятадын талын дурдсан нэмэлт татварыг цуцлах, худалдан авалтын тоо бодит байдал нийцэх, текстийн тэнцвэртэй байдлыг батлах гэсэн шаардлага, ДХБ-ын дүрэм болон зах зээлийн зарчмыг мөрдөх тухай заалт хэлэлцээрт тусгагдаж, Америкийн талын шаардлагууд ч тусгагдлаа.

Хэлэлцээр нь тэнцвэртэй, адил тэгш болон харилцан ашигтай, хамтдаа хөгжих гэсэн хоёр онцлогтой. Хэрэгжилтийг баталгаажуулахын тулд хэлэлцээр дэх хоёр талын үнэлгээ, маргааныг зохицуулах бүлэгт дүрэм тогтоол гаргаж, аль нэг тал нь гэрээ хэлэлцээрийг зөрчсөн тохиолдолд холбогдох шийтгэлийг хүлээх болно.

Эхний шатны гэрээ хэлэлцээрт гарын үсэг зурсан нь Хятад, Америк хоёр тал эрх тэгш зөвшилцлөөр эдийн засаг, худалдааны маргааныг зохицуулж болохыг харуулж, хүмүүст Хятад, Америк эцэст асуудлыг шийднэ чадна хэмээх итгэл төрүүллээ. Хятад, Америк хоёр орон хамтарваас харилцан ашигтай, эс бөгөөс харилцан хохирох болно, энэ бол түүх болон бодит байдал дахин давтан харуулж буй үнэ ёс бөгөөд хоёр тал маргааныг зохицуулах үедээ баримтлах ёстой туршлага сануулга юм.

Н.Пүрэвжав