Ши Жиньпин Хятадын олон улсын импортын анхдугаар экспогийн нээлтийн ёслолд илтгэл тавив

2018-11-05 11:22:26
Comment
Share
Share this with Close
Messenger Messenger Pinterest LinkedIn
11:09

5-нд Шанхай хотноо Хятадын улсын дарга Ши Жиньпин: Хятад улс Шанхайн чөлөөт худалдааны туршиц бүсэд шинэ бүс нэмж байгуулж, Хятадын хэмжээнд дэлгэрүүлж болохуйц хөрөнгө оруулалт, чөлөөт худалдааг хялбарчлах туршлага хуримтлуулахыг дэмжинэ. Шанхайн хөрөнгийн биржид шинжлэх ухаан, технологийн инновацын хувьцаанд бүртгүүлэх туршилтын цэг гарган, Шанхайн олон улсын банк санхүүгийн төв, шинжлэх ухаан технологийн инновацын төв байгуулахыг дэмжинэ. Шанхай, Жэжян, Жянсү зэрэг Хөх мөрний гурвалжин хойгийн бүсийн интегралчлалыг үндэсний стратеги болгон шат ахиулж, Нэг бүс нэг зам, Бээжин, Тяньжин Хэбэйг зохицонгуй хөгжүүлэх, Хөх мөрний эдийн засгийн бүсийг хөгжүүлэх, Гуандүн, Хонконг, Макаогийн их булангийн бүсийн бүтээн байгуулалтыг уялдуулах, Хятадын гадаадад нээлттэй байх орон зайг сайжруулна гэжээ.

11:08
5-нд Шанхай хотноо БНХАУ-ын дарга Ши Жиньпин: Бусад томоохон эдийн засгийн цогцтой харьцуулбал Хятад улсын эдийн засгийн өсөлт дэлхийд тэргүүлэгч хэвээр байгаа бөгөөд эдийн засгийн урт хугацааны эрүүл, тогтвортой хөгжлийг хангах таатай нөхцөл олон бий гэжээ.
Тэрээр: Хятадын эдийн засгийн эрүүл, тогтвортой хөгжлийн үндэс суурь өөрчлөгдөөгүй, чансаатай хөгжлийг дэмжих үйлдвэрлэлийн хүчин зүйлийн нөхцөл өөрчлөгдөөгүй, урт хугацааны тогтвортой хөгжлийн ерөнхий хандлага өөрчлөгдөөгүй. Улс орны макро тохируулалтын хүчин чадал улам сайжирч, өөрчлөлтийг бүх талаар гүнзгийрүүлэхэд хөгжлийн хөдөлгөгч хүчээр тасралтгүй хангана гэсэн юм.
Ши Жиньпин дарга Хятад улсын эдийн засгийн хөгжилд зарим зөрчил, бэрхшээл тулгарсныг хүлээн зөвшөөрсөн юм. Үүнд, зарим салбар дахь тодорхойгүй хүчин зүйл нэмэгдэж, зарим аж ахуйн нэгжийн эрхлэлтэд бэрхшээл тулгарч, зарим салбарт эрсдэлтэй сорилт нэмэгдэж байна. Гэхдээ, Хятадын эдийн засаг бол цөөрөм биш, харин их далай. Хятадын эдийн засаг өндөр чанартай хөгжлийн замд маш түргэн орох болно гэжээ. 
10:59

5-нд Шанхайд Хятад улсын дарга Ши Жиньпин: Олон улсын тэргүүний бизнесийн орчин бүрдүүлэхийн тулд Хятад улс гадаадын бизнесмений хууль ёсны эрх ашигт халдсан, ялангуяа оюуны өмчийн эрхэнд халдсан үйл ажиллагааг хуулийн дагуу хатуу шийтгэж, оюуны өмчийн эрхийг хянах чанар, үр ашгийг сайжруулан, торгуулийн чанартай нөхөн төлүүлэх механизмыг ашиглан, хууль зөрчсөний торгуулийг илэрхий нэмэгдүүлнэ гэжээ. 

Тэрээр: Хятад улс гадаадын хөрөнгө оруулалтын тухай хууль дүрмийг даруй боловсруулж, гадаадтай холбоотой хуулийн тогтолцоог улам ил тод болгон, Хятадад хөрөнгө оруулахад Хятадын иргэдтэй адилхан харгалзал үзүүлэн, сөрөг жагсаалтыг мөрдөн удирдах дүрмийг бүх талаар хэрэгжүүлж, олон улсын бизнесийн орчны журмыг хүндэтгэн, дотоодод бүртгүүлэх олон төрлийн аж ахуйн нэгжид эрх тэгш хандана гэжээ. Улс орнууд өөрийн асуудлаа шийдвэрлэж, гар чийдэн мэт гэрлээ бусдад тусгаж, өөртөө хандуулахгүй байж болохгүй хэмээн тэрээр шаардлаа.

10:58
5-нд Шанхай хотноо Хятад улсын дарга Ши Жиньпин: Ирэх 15 жилд Хятад улс импортын бараа бүтээгдэхүүн, үйлчилгээг тус бүр 30 их наяд ба 10 их наяд гаруй ам.долларт хүргэж, импортын хүчин чадлыг нэмэгдүүлэн, зах зээлд нэвтрэх боломжийг хангаж, олон улсын тэргүүний бизнесийн орчин бий болгох, гадаадад нээлттэй байх шинэ гарц нээж, олон талт болон хоёр талт хамтын ажиллагааны хөгжлийг дэмжих зэрэг 5 талаар Хятад улс нээлттэй байх эрч хүчээ улам өргөтгөнө гэжээ.
Тэрээр: Эдгээр арга хэмжээнд, Хятад улс татвар хураамжийг бууруулж, импортын тогтолцооны шинжтэй өөрийн өртгийг цуцлах, хилийн чанадын цахим худалдааг түргэтгэх зэрэг шинэ салбарын шинэ хэв загварыг хөгжүүлнэ. Санхүүгийн салбарын нээлттэй байдлыг байнга өргөтгөж, үйлчилгээний салбарын нээлттэй байдлыг үргэлжлэн дэмжиж, боловсрол, эрүүл мэнд зэрэг салбарын хөрөнгийн харьцааны хязгаар гэх мэт гадаадын хөрөнгө оруулалтыг чөлөөтэй болгоно гэжээ. 
Ши Жиньпин: Хятад улс бүс нутгийн бүх талын эдийн засгийн түншлэлийн харилцааны хэлэлцээрийг эртхэн тохиролцоонд хүргэхэд бэлэн байгаа ба Хятад, Европын хөрөнгө оруулалтын хэлэлцээр, Хятад, Япон, БНСУ-ын чөлөөт худалдааны бүсийн хэлэлцээрийн үйл явцыг ахиулна гэжээ.
10:41
Хятад улсын дарга Ши Жиньпин: Нээлттэй байдал нь өнөө үеийн Хятад улсын тодорхой шинж тэмдэг болсон гэжээ.
Тэрээр: Өөрчлөлт нээлтийн 40 жилд, Хятад улс хаалгаа нээж, бүтээн байгуулалт хийж, хаалттай, хагас хаалттай байдлаас бүх талаар нээлттэй түүхийн агуу их эргэлтийн үед шилжин, нээлттэй байдлаа тасралтгүй нэмэгдүүлэн, өөрийгөө хөгжүүлж, дэлхийд үр өгөөжөө өгсөн юм. Улам дээд түвшинд нээлттэй байхыг ахиулж, дэлхийн нээлттэй эдийн засгийн тогтолцоо, хүн төрөлхтний хувь заяаны хамтын цогцыг байгуулах Хятад улсын энэ гурван талын ажил зогсохгүй юм гэжээ.
Тэрээр: Хятад улс харилцан ашигтай, хамтдаа ашиг хүртэх нээлттэй стратегийг тууштай хэрэгжүүлж, ямагт дэлхийн хамтын нээлттэй байдлыг ахиулагч чухал хүчин, дэлхийн эдийн засгийн өсөлтийн тогтвортой хөдөлгөх хүчний эх үүсвэр, олон орны худалдааны боломжийг нээх том зах зээл, дэлхийн өөрчлөлтөд эерэг хувь нэмэр оруулагч байх болно гэжээ.
10:36
5-нд Шанхай хотноо БНХАУ-ын дарга Ши Жиньпин улс орнууд нээлттэй уялдаатай бодлого хэрэгжүүлж, харилцан ашигтай хамтран ажиллах орон зайг тэлж, бүтээмжтэй хөгжих шинэ хөдөлгөх хүч бий болгон, багтаамжтай, хүртээмжтэй хамтран хөгжихийг уриаллаа.
Ши Жиньпин: Улс орнууд худалдааг ивээх үзэл, ганц талт үзлийг эрс эсэргүүцэж, олон талт болон хоёр талын нээлттэй байлгах түвшнээ дээшлүүлэн, улс орнуудын эдийн засгийг уялдуулан хөгжүүлж, нээлттэй дэлхийн эдийн засгийг хамтран байгуулах ёстой. Макро эдийн засгийн бодлогын зохицуулалтаа эрчимжүүлж, сөрөг нөлөөг багасган, шударга, зүй ёсны, ил тод олон улсын худалдаа, эдийн засгийн журмын тогтолцоо бий болгохыг дэмжин, худалдаа, хөрөнгө оруулалтыг чөлөөтэй хялбар болгон, дэлхий дахины эдийн засгийг улам нээлттэй, хэлхээ холбоотой, уялдуулан хөгжихийг ахиулах ёстой гэжээ.
Тэрээр: Улс орнууд шинжлэх ухаан технологийн шинэ хувьсгал, үйлдвэрлэлийн өөрчлөлтийн боломжийг ашиглан, дижийтал эдийн засаг, хиймэл оюун ухаан, нанотехнологи зэрэг дэвшилтэт технологийн салбарт хамтран ажиллаж, шинэ технологи, шинэ үйлдвэрлэл, шинэ ажил төрөл, шинэ хэлбэрийг хамтран бүтээх ёстой гэжээ.
Эдийн засаг улам даяаршин хөгжиж буй өнөө үед хүчирхэг нь доройгоо дарж, ялагч нь бүгдийг авдаг замнал улам мухардаж, харин багтаамжтай, хүртээмжтэй, харилцан ашигтай, хамтдаа ашиг хүртэх зам улам гэгээн саруул болж байна гэж Ши Жиньпин онцолжээ. 
10:24
5-нд Шанхай хотноо Хятад улсын дарга Ши Жиньпин, олон орон улам их зориг гарган нээлттэй хамтын ажиллагаагаа идэвхтэй ахиулж, хамтдаа хөгжихийг уриаллаа.
Ши Жиньпин хэлсэн үгэндээ: Эрин үеийн дэлхийн эдийн засагт гүнзгий өөрчлөлт гарч, худалдааг ивээх үзэл, ганц талт үзэл газар авч, эдийн засгийн даяаршил хүндрэл бэрхшээлтэй учирч, олон талт үзэл, чөлөөт худалдааны тогтолцоо цохилтод өртөн, тогтворгүй, тодорхойгүй хүчин зүйлс байсаар байна. Хүмүүс жам хуулийг барьж, гол хандлагыг ойлгон, нээлттэй хамтран ажиллах итгэлээ бэхжүүлж, сорилтыг хамтдаа даван туулах шаардлагатай байна гэжээ.
Тэрээр хэлэхдээ: Эдийн засгийн даяаршил бол түүхийн зайлшгүй урсгал мөн. Нээлттэй хамтын ажиллагаа нь олон улсын эдийн засаг, худалдааны эрч хүчийг нэмэгдүүлэх чухал хөдөлгөх хүч, дэлхийн эдийн засгийн тогтвортой сэргэх бодит шаардлага, хүн төрөлхтний нийгмийн тасралтгүй дэвшихийг ахиулах цаг эриний шаардлага юм гэжээ.
10:21
5-нд Шанхай хотноо БНХАУ-ын дарга Ши Жиньпин: Хятадын олон улсын импортын экспо бол импортоор гол болгосон олон улсын хэмжээний дэлхийн анхны хурал юм. Мөн олон улсын худалдааны хөгжлийн түүхэн дэх томоохон үйл хэрэг юм гэжээ.
Экспог зохион явуулж буй нь Хятад улс өндөр түвшинд гадаадад нээлттэй байх шинэ ээлжийн том бодлого, Хятад улс зах зээлээ дэлхий дахинд хандан нээж буй томоохон арга хэмжээ бөгөөд энэ нь Хятад улс олон талт худалдааны тогтолцоо, чөлөөт худалдааны хөгжлийг дэмжихэд чиглэсэн Хятадын байр суурийг илэрхийлж, нээлттэй хэлбэрийн эдийн засгийг бий болгон, эдийн засгийн даяаршлыг дэмжих практик үйл хэрэг юм гэжээ.
10:16

5-нд Шанхай хотноо БНХАУ-ын дарга Ши Жиньпин Хятадын олон улсын  импортын анхдугаар экспогийн нээлтийн ёслолд оролцон, “Бүтээмжтэй, багтаамжтай,  нээлттэй дэлхийн эдийн засгийг хамтран цогцлооё” сэдвээр илтгэл тавьсан  байна.

Ши Жиньпин Хятадын засгийн газар, ард иргэд, өөрийнхөө нэрийн өмнөөс  нээлтийн ёслолд оролцож буй 172 улс орон, бүс нутаг, олон улсын байгууллага,  экспод оролцох 3600 гаруй аж ахуйн нэгжийнхэнд халуун мэнд дэвшүүлж, улс  орнуудын найз нар Хятадын хөгжлийн боломжийг ашиглан, олон улсын худалдаа, эдийн  засгийн хамтын ажиллагааг гүнзгийрүүлж, хамтдаа хөгжин дэвшихийг биелүүлэхийг  сайшааж байна гэжээ.

Энэ удаагийн экспод гадаад  дотоодын 400 гаруй мянган бизнесмен оролцож, бараа бүтээгдэхүүн худалдан авах  төлөвтэй байна. 

Их уншсан