Хөвөөтшар хошууны өвлийн наадам болов
19-нд Өвөр Монголын Шилийнгол аймгийн Хөвөөтшар хошууны өвлийн улирлын цагаан сүлдний соёл жуулчлалын анхдугаар наадам Хөвөөтшар хошуунд боллоо. Наадамд монгол үндэстний уламжлалт цагаан сүлдний тахилга, хүчит бөхийн барилдаан, сурын харваа, хурдан морины уралдаан, ганган морь шалгаруулах зэрэг баялаг агуулга бүхий арга хэмжээ зохион байгуулж, хол ойроос хүрэлцэн ирсэн наадамчин олны хийморийг сэргээлээ. Монгол дээл хувцсаараа гоёсон адуучин, малчин, бөх, сурагчид наадамд өнгө нэмж, уран сайханчдын өргөсөн ая дууны тоглолт наадамчин олны сонорыг мялааж, харааг баясгалаа.
Сэтгүүлч Хасмөчир мэдээлэв