Оросууд нутаг дээрээ гайхамшигтай ялалт байгуулж, ДАШТ-ний салхийг хагаллаа

Орон нутгийн цагаар 14-нд ОХУ-д зохиогдож буй хөл бөмбөгийн ДАШТ хөшгөө нээж, нутаг дээрээ тоглож буй ОХУ-ын үндэсний шигшээ баг Саудын Арабын шигшээ багийг 5:0 харьцаатай буулгаж авлаа. Тоглолтын 12 дахь минутад 8 дугаартай тамирчин Газинский энэ удаагийн ДАШТ-ний анхны гоолыг  оруулж, онооны харьцааг 1:0 болгосон бол түүний дараахан сэлгээнээс гарч тоглосон 6 дугаартай тамирчин Черезээв оноог 2:0 болгожээ. Тоглолтын хоёрдугаар хагаст мөн сэлгээнээс гарч тоглосон довтлогч Жюба оноог дахин өсгөж, 90 дэх минутад Черезээв хоёр дахь гоолоо оруулсан байна. Тоглолтын эцсийн мөчид залуу тамарчин Головин чөлөөт цохилтоор шууд гоол оруулж цэнгэлдэх хүрээлэнг доргиолоо. ОХУ-ын үндэсний шигшээ баг ийнхүү ДАШТ-ний салхийг хагалж, нутаг  дээрээ гайхамшигтай ялалт байгуулан, хөгжөөн дэмжигчдийг хөөр баяраар бялхаалаа.