Монгол хошин шогийн тоглолт боллоо

Хятад Улс •  Өвөр Монголын тал нутгийн соёлын XV наадмын хүрээнд зохиогдож байгаа монгол хошин шогийн  тоглолт энэ сарын 9-ны үдэш Хөххотод боллоо.

Тоглолтод  “Баарин чулуу”, “ipad эмээ”, “эр хүн”, “өлгий” зэрэг 8 жүжиг тавигдлаа. Монгол хошин шог жүжиг нь Улаанмөчир чуулгын урлагийн нэгэн төрөл юм. Энэ удаад Баарин баруун хошуу, Сөнид зүүн хошуу, Үшин хошуу, Хүрээ хошуу зэрэг газрын Улаанмөчир чуулгын уран бүтээлчид болон ӨМ-ын урлаг жүжгийн хүрээлэнгийн Үлгэр монгол жүжгийн хамтлагийн жүжигчид оролцжээ.

Жүжигчдийн хөгжилтэй үг яриа, хоромхон зуур хувирах дуу хоолой, үйлдлүүд нь амьдралд ухаарал хайрлаж, үзэгчдэд эргэн харах орон зай үлдээж чадлаа.

ӨМ-ын урлаг жүжгийн хүрээлэнгийн орлогч дарга Өлзийт, жүжигчин Отгонбаатар, үзэгч Уяхан нар ярилцлага өглөө.

/ Сэтгүүлч Б.Хүүдүүт, Мандухай мэдээлэв/