Чанчүнь хотын хурал үзэсгэлэнгийн ордонтой танилцав
Саяхан, Хятад улс өөрчлөлт нээлтийн бодлого хэрэгжүүлсний 40 жилийн ойд зориулж гадаадын хэвлэлийнхнийг Чанчүнь хоттой танилцуулах арга хэмжээ зохион байгууллаа.
Урилгаар Орос, Монгол, Герман, Япон, Өмнөд Солонгос зэрэг 9 орны хэвлэл мэдээллийн 14 байгууллагын сэтгүүлчид Чанчүнь хотод хүрэлцэн ирж, тус хотын түүх, соёл, инновацитай танилцан, Чаньчүнь хотын хөгжил шинэчлэлийг дэлхий дахинд танилцуулж байна.
Сэтгүүлчид Чанчүнь хотын хурал үзэсгэлэнгийн ордонтой танилцлаа. Тус хурал үзэсгэлэнгийн ордон 2009 оны 12 сард ашиглалтад оржээ. Энд зураг төслийн танхим, музей, уран зургийн үзэсгэлэнгийн танхим зэрэг олон салбартай. Тус ордны зураг төслийг Хятадын барилгын академийн академич Цүй Кай бүтээжээ. Тус барилга нь Чанчүнь хотын хөгжлийн түүх, хотын төлөвлөлтийг дүрслэг харуулж чадсанараа онцлог юм.
Далайнтуяа мэдээлэв