Дээд Монголын язгуур урлагийн хамтлаг тоглолт хийж байна
11-р сарын 9-12-нд Бээжинд “Хятадын үндэстнүүдийн ардын дуу хөгжмийн долоо хоног-2018” арга хэмжээ болж байна. Энэ удаад Хөхнуур мужийн Хайшигийн Монгол, Түвд үндэстний өөртөө засах жөүгийн язгуур урлагийн хамтлаг оролцож байгаа юм.“
Хятадын үндэстнүүдийн ардын дуу хөгжмийн долоо хоног” арга хэмжээг Хятадын Төвийн хөгжмийн дээд сургууль Хятадын үндэстнүүдийн ардын урлагийг судлах, заах, хамгаалах, уламжлах зорилгоор 2 жилд нэг удаа зохион байгуулдаг.
Хөхнуур мужийн Хайшигийн Монгол, Түвд үндэстний өөртөө засах жөүгийн язгуур урлагийн хамтлаг энэ удаад Төвийн үндэсний их сургууль, Үндэсний дуу бүжгийн театрын архивын танхим, Төвийн дуу бүжгийн дээд сургуульд 3 удаа тоглолт хийх бөгөөд Хөхнуурын буюу Дээд Монголын онцлогтой ерөөл, “Найрын гурван дуу”, уртын дуу, “Хайрын дуу”, гүр дуу зэргийг үзэгч олонд хүргэсэн байна.
Хайшигийн Монгол, Түвд үндэстний өөртөө засах жөүгийн язгуур урлагийн хамтлагийн уран сайханч Зээдэй (Цэрэндулам) гуай 73 настай. Тэрээр: Би малчин хүн, нэрээ ч бичиж чадахгүй. Гэвч ардын дуугаа олон жил дууллаа. Үүнийхээ буянаар нийслэл Бээжин хотод ирж үзлээ. Их баяртай байна гэжээ.