"Найрамдлын солонго" цагаан сарын тоглолт боллоо
ӨМӨЗО-ны засгийн газрын хэвлэл мэдээллийн албанаас санаачилж, ӨМРТ-ийн Монгол Одон телевиз зохион байгуулж, Монгол улсын UBS телевиз, Оросын холбооны Буриад улсын Энх тайван телевизийн хамтран хийсэн 2019 оны Хятад, Монгол, Оросын “Найрамдлын солонго” цагаан сарын концерт 1-р сарын 15-нд Хөх хотод боллоо.
Анх удаа манай улсад болсон энэ тоглолтын үеэр Оросын балет, Монгол улсын дуурь, биелгээ, Хятадын ушу, монгол бүжиг зэрэг гурван улсын соёлын онцлогийг харуулсан үзүүлбэрүүдийг толилуулжээ. Үүнд Оросын холбооны Буриад улсын алдарт дуучин Чингис, Буриадын Гурван охин хамтлаг, Монгол, Хятад хоёр улсын алдарт дуучид зэрэг 200 гаруй уран бүтээлч оролцсон юм.
Тус тоглолтыг битүүнд Монгол улсын UBS телевизээр, цагаан сарын шинийн нэгэнд Оросын холбооны Буриад улсын Энх тайван телевизээр, цагаан сарын шинээр ӨМРТ-ийн Монгол одон телевизээр нэвтрүүлэх юм байна.
ӨМӨЗО-ны Засгийн газрын хэвлэл мэдээллийн албаны Гадаад харилцааны газрын дарга Баянжаргал, "Найрамдлын солонго” цагаан сарын үдэшлэгийн ерөнхий найруулагч Содбилэг, Монгол улсын урлагийн гавьяат зүтгэлтэн Балхжав, Оросын холбооны Буриад улсын алдарт дуучин Чингис нар ярилцлага өгсөн юм.
Сэтгүүлч Оюунсод, Хасмишээл нар мэдээлэв