Хонконгчууд тэргэл сарын баяраа тэмдэглэж байна
ХОУР-гийн мэдээ: Билгийн тооллын намрын дунд сарын Тэргэл сарны баярын үеэр зуу гаруй жилийн түүхтэй Даканы луу тоглуулах ёслол, мөн аялан тоглох үйл ажиллагаа 23-нд Хонконгийн Түнлөү булангийн Даканд эхэлсэн бөгөөд энэ арга хэмжээ 3 хоног үргэлжлэх юм байна.
23-нд хэнгэрэг цангийн дуунд 300 гаруй хүн 67 метр урт лууг тоглуулж, Даканы том жижиг гудамж, өргөн чөлөөгөөр луугаа тоглуулан явж, үзэгчид олны сонирхлыг татсан байна.
Даканы луу тоглуулах урлаг XIX зуунд Хонконгын ард олны гай барцдыг арилгах зан үйлээс үүдэлтэй бөгөөд одоо Хонконгчуудын баяраа өвөрмөц маягаар тэмдэглэх нэг онцлог болжээ. Лууны араг ясыг дээсээр хийж, өвсөөр холбон лууг бүтээдэг. Лууны биед 12 мянган хүж шигтгэн асааж, туршлагатай хүмүүс тоглуулдаг юм.
