Улаанбаатарын өвлийн наадам” болж байна
Улаанбаатар хотын засаг даргын тамгын газар, Улаанбаатар хотын аялал жуулчлалын газар болон өвлийн улирлын спорт мэргэжлийн холбоо хамтран зохион байгуулсан “Улаанбаатарын өвлийн наадам 2019” хоёрдугаар сарын 16-17-ны өдрүүдэд Богд Хан уулын Хүрхрээгийн аманд эхэлсэн байна.
Наадмаар Монголын үндэсний тоглоом наадмууд болох мөсөн шагай, мөсөн сур, урлагийн тоглолт болон шүхрийн үзүүлэх тоглолт, дөрвөн дугуйтай мотоцикл, нохой чарга, мөсөн хананд авиралт, цана, снөүбоард, рагбигийн тэмцээн, хамгийн сайхан үндэсний хувцастай шилдэг оролцогчийн шалгаруулах юм.
Тэмцээнүүдэд дотоодын 800, гадаадын 40 тамирчин оролцож хурд хүч, авхаалж самбаагаа сорино. Үүнээс ОХУ-ын Буриад Улсаас 10, Тува Улсаас 10, ӨМӨЗО-ноос 8 сур харваач хүрэлцэн ирж цэц мэргэнээ сорьж байгаа аж.
Улаанбаатар хотын аялал жуулчлалын газрын дарга Батсүх, Зүүн үзэмчин хошуунаас хүрэлцэн ирсэн харваач Буяндэлгэр нар ярилцлага өглөө.
/Сэтгүүлч Б.Хүүдүүт, Нандир мэдээлэв/