Баруун үзэмчин хошууны дунд сургуулийн сурагчдын “Уран тоть” хөтлөгч нэвтрүүлэгчийн тэмцээн болов
4-р сарын 15-нд ӨМӨЗО-ны Шилийнгол аймгийн Баруун үзэмчин хошууны дунд бага сургуулийн сурагчдын “Уран тоть” хөтлөгч нэвтрүүлэгчийн шийдвэрт тэмцээн, шагнал олгох ёслол явагдав.
Тус тэмцээнийг ӨМӨЗО-ны Шилийнгол аймгийн Баруун үзэмчин хошууны үндэстэн шашин суртахууны хэрэг эрхлэх товчоо, Боловсрол шинжлэх мэргэжлийн товчооноос голлон эрхэлж, Өвөр монголын одон телевизийн “Нахиа” сувгийн “Солонгон эгшиг” дэлгэц, Баруун үзэмчний радио телевизийн “Миний сайхан үзэмчин” дэлгэц хамтран эрхэлж, тэмцээнээр дамжин 12 сурагч эцсийн шийдвэрт тэмцээнд оролцсон байна.
Шийдвэрт тэмцээний үеэр сурагчид нэвтрүүлэг хөтөлж явуулах, хэл зүгшрүүлэх үг унших, уран уншлага зэрэг агуулгаар явагдаж, тэмцээний дүнд бага сургууль болон дунд сургуулийн багт Намуухан, Тэргэл тус тус 1-р байрт шалгарчээ.
Тус тэмцээнийг үндэстний зан үйлийг уламжлан дэлгэрүүлэх “Ханихан” компани, “Аялгуу” морин хуур үйлдвэрлэгч компани ивээн тэтгэсэн байна.
Сурвалжлагч Зурагмаа, Сүлд мэдээлэв