Түм түжигнэсэн Шанхайн экспо эхэллээ
Өнөөдөр Шанхай хотод Хятадын олон улсын импортын анхдугаар экспо нээгдлээ. Өглөөгүүр тус экспог зорьж ирсэн хүмүүс үзэсгэлэнгийн ордны хаалга болгон дээр багтаж ядан бөөгнөрчээ. Импортын экспогийн үзэсгэлэнгийн талбайд орох тасалбар аль эрт дуусаж, тасалбар авч чадаагүй хүмүүс маш олон байгаа ажээ. Хятадын олон улсын импортын анхдугаар экспо эргэн тойрон маш том талбайтай, хаяг тэмдэг нь аварга том, өвөрмөц онцлогтой, өнгө ялгарч байлаа. Экспогийн ордон дотор уужим багтаамжтай, талбай бүхэн нь эмх цэгцтэй харагдана.
Энэ асар том их үйл ажиллагаа нь Хятад улс зах зээлээ улам нээж буй байр суурийг дэлхий дахинд тод харуулжээ. Шанхайн импортын экспо бол өнөөгийн байдлаар, дэлхийд импортоор гол сэдвээ болгосон үндэсний зэрэглэлийн анхны үзэсгэлэн худалдаа бөгөөд 130 гаруй улс орон, бүс нутгийн 3000 гаруй аж ахуйн нэгж тус экспод оролцож, Дэлхийн топ 500 аж ахуйн нэгжүүдийн ихэнх нь ирсэн юм. Ингээд та бүхэнд Шанхайн экспогийн ордон талбайд авсан зургуудаа сонирхуулъя.
