"Торгоны зам дагуу Хятад орноор аялах" баг шашны дээд сургуульд зочлов

Хятадын Олон Улсын Радиогийн мэдээ: “Торгоны зам дагуу  Хятад орноор аялах" тав дахь удаагийн аяллын баг ШУӨЗО-ны Исламын шашны дээд  сургуультай танилцав. Йордан, Пакистан, Турк, Ливан зэрэг 11 орны соёл  боловсрол, хэвлэл мэдээллийн салбарын алдартнууд тус сургуультай танилцаж,  захирал Абудурекефу Туньязтай шашин, үндэстний асуудлаар санал бодлоо солилцсон  байна. 

Исламын шашны дээд сургууль бол таван жилийн хугацаанд   шашны ажилтнуудыг бэлтгэн, бакалаврын зэрэг олгодог дээд сургууль юм. Тус  сургууль 1987 оноос эхлэн оюутан элсүүлсэн бөгөөд Ши Жиньпин даргын дурдсан “улс  төрийн талаар найдвартай, шашны талаар судалгаатай, ёс суртахууны талаар олныг  бишрүүлж чадах, чухал үед нөлөө үзүүлэх” стандартыг мөрдөж, намын удирдлагыг  даган, эх орныхоо эв нэгдлийг бэхжүүлдэг шашны ажилтан бэлтгэж байна. Одоо тус  сургуулийн 14 ангид 555 оюутан сурч байгаа юм байна.   

Далайнтуяа